തിരുവനന്തപുരം: കൊവിഡ് രോഗത്തെ തുടർന് നിറുത്തിവച്ച രജി​സ്‌ട്രേ​ഷൻ വകു​പ്പിലെ സേവ​ന​ങ്ങൾ ഗ്രീൻ, ഓറഞ്ച് ബി സോണു​ക​ളിൽ നിയ​ന്ത്ര​ണ​ത്തോടെ പുനരാരംഭിച്ചതായും ഇന്നലെ 29 ആധാ​ര​ങ്ങളും 2629 ഗഹാ​നു​കളും രജി​സ്റ്റർ ചെയ്ത​തായും 2400 കുടി​ക്കട സർട്ടി​ഫിക്ക​റ്റു​കൾ തയ്യാ​റാ​ക്കി​യ​തായും മന്ത്രി ജി. സുധാ​ക​രൻ അറി​യി​ച്ചു. ഓറഞ്ച് എ സോണിൽപ്പെട്ട പത്ത​നം​തി​ട്ട, എറ​ണാ​കു​ളം, കൊല്ലം എന്നിവിടങ്ങളിൽ 24 മുതലും സേവ​ന​ങ്ങൾ ആരം​ഭി​ക്കും. പ്രസ്തുത ജില്ല​ക​ളിൽ ഹോട്ട്സ്‌പോ​ട്ടു​ക​ളായി പ്രഖ്യാ​പി​ച്ചി​ട്ടുള്ള മേഖ​ല​ക​ളിലെ ഓഫീ​സു​ക​ളുടെ പ്രവർത്തനം സർക്കാർ നൽകുന്ന നിർദ്ദേ​ശ​ങ്ങൾക്ക് അനു​സൃ​ത​മായി മാത്രമേ ആരം​ഭി​ക്കൂ. റെഡ് സോണിൽപ്പെട്ട മല​പ്പു​റം, കോഴി​ക്കോ​ട്, കണ്ണൂർ, കാസർകോട് എന്നീ നാല് ജില്ല​ക​ളിൽ ലോക്ക് ഡൗൺ പൂർത്തി​യാ​കുന്ന മുറ​യ്ക്ക് സേവ​ന​ങ്ങൾ ആരം​ഭി​ക്കും. സാമൂഹ്യ അകലം പാലി​ക്കു​ന്ന​തിന്റെ ഭാഗ​മായി ഓഫീ​സിൽ ഹാജ​രാ​കേണ്ട ജീവ​ന​ക്കാ​രുടെ എണ്ണ​ത്തിൽ കുറവ് വരു​ത്തി​യി​ട്ടുണ്ടെന്നും മന്ത്രി അറിയിച്ചു.