കൊല്ലം: മിമിക്രി കലാകാരൻ ഷാബുരാജ് അന്തരിച്ചു. ഇന്ന് കൊല്ലം മെഡിസിറ്റി ആശുപത്രിയിലായിരുന്നു അന്ത്യം. ഇന്നലെ വൈകിട്ടാണ് ഹൃദയാഘാതത്തെ തുടർന്ന് ഷാബുരാജിനെ ആശുപത്രിയിൽ പ്രവേശിപ്പിച്ചത്. നിർധന കുടുംബാംഗമായ ഷാബുരാജിന്റെ ചികിത്സയ്ക്കായി പണം കണ്ടെത്താനുള്ള പരക്കം പാച്ചിലിലായിരുന്നു സുഹൃത്തുക്കൾ. അതിനിടയിലായിരുന്നു അപ്രതീക്ഷിത മരണം. നാല് കുരുന്നുകളുടെ പിതാവാണ് ഷാബുരാജ്. ഏഷ്യാനെറ്റിലെ കോമഡി സ്റ്റാർ പ്രോഗ്രാമിലൂടെയാണ് ഷാബുരാജ് ശ്രദ്ധേയനായത്.