ജ​നീ​വ: കൊവിഡ് 19 രോഗം ലോകമാകെ സംഹാര താണ്ഡവമാടാൻ കാ​ര​ണ​മാ​യ രോഗാണു പുറത്തുവന്നത് ലാബിൽ നിന്നുമാണെന്ന വാദം വാസ്തവിരുദ്ധമാണെന്ന് ലോകാരോഗ്യ സംഘടന. സം​ഘ​ട​നാ വ​ക്താവായ ഫ​ദേ​ല ചൈ​ബ് ജ​നീ​വ​യി​ൽ ന​ട​ത്തി​യ വാ​ർ​ത്താ​സ​മ്മേ​ള​ന​ത്തി​ലാ​ണ് ഇതേക്കുറിച്ച് വിശദീകരിച്ചത്.

ലഭിച്ചിരിക്കുന്ന വിവരങ്ങൾ അനുസരിച്ച് കൊ​റോ​ണ വൈ​റ​സ് വ്യാ​പി​ച്ച​ത് മൃ​ഗ​ങ്ങ​ളി​ൽ​നി​ന്നാ​ണെ​ന്നും ഈ ​വൈ​റ​സ് ലാ​ബി​ൽ സൃ​ഷ്ടി​ച്ച​തോ അതിന് മനപ്പൂർവം ആരെങ്കിലും രൂപം നൽകിയതോ അല്ലെന്നും ചൈ​ബ് പ​റ​ഞ്ഞു.

വൈ​റ​സി​നെ ലാബിൽ വച്ചാണ് സൃ​ഷ്ടി​ച്ചതെന്ന ത​ര​ത്തി​ലു​ള്ള വാ​ദ​ങ്ങ​ൾ​ക്ക് അ​ടി​സ്ഥാ​ന​മാ​കു​ന്ന തെ​ളി​വു​ക​ളൊന്നും നിലവിൽ ലഭിച്ചിട്ടില്ലെന്നും ചൈ​ബ് വ്യ​ക്ത​മാ​ക്കി. ചൈനയിലെ വു​ഹാ​നി​ലെ ലാ​ബി​ൽ​വച്ച് സൃഷ്ടിച്ചെടുത്ത വൈ​റ​സാണ് ലോ​ക​മെ​ങ്ങും കൊ​റോ​ണ മ​ഹാ​മാ​രി​ക്കി​ട​യാ​ക്കി​യ​തെ​ന്ന് അമേരിക്ക ഉ​ൾ​പ്പെ​ടെ​യു​ള്ള രാ​ജ്യ​ങ്ങ​ൾ ആ​രോ​പി​ച്ചി​രു​ന്നു.

ചൈ​ന​യു​ടെ ഇത് മനഃപൂർവ്വം ചെയ്തതാണെന്ന് തെ​ളി​ഞ്ഞാ​ൽ പ്ര​ത്യാ​ഘാ​തം ഗു​രു​ത​ര​മാ​യി​രി​ക്കു​മെ​ന്നും ട്രം​പ് മു​ന്ന​റി​യി​പ്പ് നൽകിയിരുന്നു. കൊവിഡ് വൈ​റ​സി​ന്റെ കാ​ര്യ​ത്തി​ൽ ചൈ​ന ഇ​ര​യാ​ണെ​ന്നും പ്ര​തി​യ​ല്ലെ​ന്നും ട്രം​പി​ന് ചൈ​നീ​സ് വി​ദേ​ശ​കാ​ര്യ വ​ക്താ​വ് ഗെ​ങ് ഷു​വാ​ങ് മറുപടി നൽകുകയുമുണ്ടായി. വു​ഹാ​നിലുള്ള വൈ​റോ​ള​ജി ലാ​ബി​ൽ അമേരിക്കൻ സം​ഘ​ത്തെ അ​നു​വ​ദി​ക്ക​ണ​മെ​ന്ന ട്രം​പി​ന്റെ ആവശ്യവും ചൈന തള്ളിയിരുന്നു.