ന്യൂയോർക്ക്: ലോകരാജ്യങ്ങളെ ഭീതിയിലാഴ്ത്തി കൊവിഡ് പടരുന്നു. മഹാമാരിയെ തുടര്‍ന്ന് ലോകത്താകമാനം മരിച്ചവരുടെ എണ്ണം 177,608 ആയി. രോഗബാധിതരുടെ എണ്ണം 25 ലക്ഷം പിന്നിട്ടു. യു.എസില്‍ മാത്രം മരിച്ചവരുടെ എണ്ണം 44,845 ആയി. ന്യൂയോർക്കിൽ രോഗവ്യാപനത്തിന് കുറവുണ്ടെങ്കിലും പുതിയ ഹോട്ട് സ്‌പോട്ടായ മസാച്ചുസെറ്റ്സിൽ ഒരാഴ്ച കൊണ്ട് രോഗികളുടെ എണ്ണം ഇരട്ടിയായി.1700 മരണം. ന്യൂയോർക്കിൽ രോഗവ്യാപനത്തിന് ശമനമുണ്ടെങ്കിലും നിയന്ത്രണങ്ങൾ നീക്കാൻ സമയമായിട്ടില്ലെന്നാണ് ഗവർണർ ആൻഡ്രൂ കൂമോ പറഞ്ഞു.

സ്​​പെ​യി​നി​ൽ രോ​ഗി​ക​ളു​ടെ എ​ണ്ണം 2.04 ല​ക്ഷം ക​ട​ന്നു. ഇ​റ്റ​ലി​യി​ൽ മൊ​ത്തം രോ​ഗി​ക​ളു​ടെ എ​ണ്ണ​ത്തി​ൽ കുറവ് രേഖപ്പെടുത്തിയിട്ടുണ്ട്. 1,83,957 പേ​ർ​ക്കാ​ണ്​ രോ​ഗം ബാ​ധി​ച്ചി​ട്ടു​ള്ള​ത്. കാ​ൽ ല​ക്ഷ​ത്തോ​ളം പേ​രാ​ണ്​ ഇ​റ്റ​ലി​യി​ൽ മ​രി​ച്ച​ത്. ഫ്രാ​ൻ​സി​ൽ 1.55 ല​ക്ഷം പേ​ർ​ക്കും ജ​ർ​മ​നി​യി​ൽ 1.47 ല​ക്ഷം പേ​ർ​ക്കും ബ്രി​ട്ട​നി​ൽ 1.25 ല​ക്ഷം പേ​ർ​ക്കും തു​ർ​ക്കി​യി​ൽ 90000 പേ​ർ​ക്കും ഇ​റാ​നി​ൽ 85000 പേ​ർ​ക്കു​മാ​ണ്​ രോ​ഗം സ്ഥി​രീ​ക​രി​ച്ച​ത്.

അതേസമയം,​ കൊവിഡ് പ്രതിസന്ധിയിൽ ലോകത്ത് പട്ടിണി പതിന്മടങ്ങ് വര്‍ദ്ധിക്കുമെന്ന് ഐക്യരാഷ്ട്ര സഭ മുന്നറിയിപ്പ് നല്‍കി. കടുത്ത ഭക്ഷ്യ അരക്ഷിതാവസ്ഥ നേരിടുന്നവരുടെ എണ്ണം 265 ദശലക്ഷമായി ഉയരുമെന്ന് യു.എന്‍ വേള്‍ഡ് ഫുഡ് പ്രോഗ്രാമിന്റെ പുതിയ റിപ്പോര്‍ട്ട് പറയുന്നു.

ലോക്ക്ഡൗൺ കാരണം വൻകിട കമ്പനികൾക്ക് ഉൾപ്പെടെ കോടികളാണ് ഇതിനകം നഷ്ടമായിട്ടുള്ളത്. ആഫ്രിക്കൻ രാജ്യങ്ങളാണ് വലിയ ദുരിതം ഏറ്റുവാങ്ങുകയെന്നും യു.എൻ വ്യക്തമാക്കുന്നുണ്ട്. ആഫ്രിക്കയിൽ പലയിടത്തും കൊവിഡ് പടർന്നുപിടിക്കുകയാണ്.