ആസിഫ് കൊഹിനൂർ സംവിധാനം ചെയ്ത "ഗോ കൊറോണ ഗോ" എന്ന ഷോർട്ട് ഫിലിമാണ് കൊവിഡിന് എതിരെയുളള സന്ദേശവുമായി ജനശ്രദ്ധ നേടുന്നത്. തൊട്ട് അടുത്ത വീട്ടിൽ ഉളളവരാണേൽ പോലും പൊതു അകലം പാലിക്കണമെന്ന സന്ദേശമാണ് ചിത്രം നൽകുന്നത്. അയൽ വാസികൾ തമ്മിൽ സംസാരിക്കുമ്പോൾ മാസ്ക്ക് ധരിക്കണമെന്നും പൊതു അകലം പാലിക്കണമെന്നും ചിത്രം ഓർമപ്പെടുത്തുന്നു. കൊവിഡിനെ തുടർന്ന് ലോകം മുഴുവൻ സുരക്ഷാ ക്രമീകരണങ്ങൾ നടത്തുമ്പോൾ പലസ്ഥലങ്ങളിലും അയൽ വാസികൾ തമ്മിൽ വേണ്ടത്ര അകലം പാലിക്കുകയോ മറ്റു സുരക്ഷാമുൻകരുതൽ സ്വീകരിക്കുകയോ ചെയ്യാറില്ല. ഇത് അടിസ്ഥാനമാക്കി ബോധവൽക്കരണം നടത്തുകയാണ് "ഗോ കൊറോണ ഗോ" എന്ന ഷോർട്ട് ഫിലിം. ഒന്നര മിനിട്ടുളള ചിത്രം ഇതിനോടകം ശ്രദ്ധേയമായി കഴിഞ്ഞു.