ബീജിംഗ്​: കൊവിഡി​നെതിരായ പോരാട്ടത്തിന്​ ലോകാരോഗ്യ സംഘടനയ്ക്ക് മൂന്ന്​ കോടി ഡോളർ കൂടി നൽകുമെന്ന്​ ചൈന. ലോകാരോഗ്യ സംഘടനക്കുള്ള ഫണ്ട് അമേരിക്ക നിറുത്തി വച്ചതിന് പിന്നാലെയാണ് ചൈനയുടെ പ്രഖ്യാപനം.

' വികസ്വര രാഷ്ട്രങ്ങളിലെ ആരോഗ്യമേഖലയെ ശക്തിപ്പെടുത്താനാണ് ലോകാരോഗ്യ സംഘടനയ്ക്ക് ചൈന കൂടുതൽ ഫണ്ട് അനുവദിക്കുന്നതെന്ന്" ചൈനീസ് വിദേശകാര്യ വക്താവ് ഹുവ ചുനിങ് ട്വീറ്റ് ചെയ്തു. മാർച്ചിൽ ലോകാരോഗ്യ സംഘടനയ്ക്ക് ചൈന രണ്ട് കോടി ഡോളർ സഹായം നൽകിയിരുന്നു. ചൈനയിലെ കൊവിഡ്​ വ്യാപനത്തി​​​ന്റെ ഗൗരവം ലോകാരോഗ്യ സംഘടന മറച്ചുവെച്ചുവെന്നും ലോകവ്യാപകമായി വൈറസ്​ പടരുന്നത് തടയുന്നതിൽ സംഘടന പരാജയപ്പെട്ടുവെന്നുമായിരുന്നു ട്രംപിന്റെ ആരോപണം.