ന്യൂഡൽഹി: കൊവിഡിനെ തോൽപ്പിച്ച പോരാട്ടത്തിൽ കൂട്ടിനുണ്ടായത് 'പ്രാണായാമം" എന്ന യോഗാഭ്യാസമാണെന്ന് വൈറസ്​ ബാധ അതിജീവിച്ച ആദ്യ ഡൽഹിക്കാരൻ പറയുന്നു.

ഡൽഹിയിൽ ആദ്യത്തെ കൊവിഡ് രോഗിയാണ് രോഹിത്​ ദത്ത. യൂറോപ്പിൽ നിന്ന് ഫെബ്രുവരി 24ന്​ ഡൽഹിയിൽ തിരിച്ചെത്തിയ രോഹിത്​ ദത്തയ്ക്ക്​ ഒരാഴ്​ചയ്ക്ക്​ ശേഷം പനി അനുഭവപ്പെടുകയായിരുന്നു. തുടർന്ന് ആശുപത്രിയിൽ പ്രവേശിപ്പിച്ച ശേഷം നടത്തിയ പരിശോധനയിലാണ് രോഗം സ്ഥിരീകരിച്ചത്.

' കൊവിഡ്​ വൈറസ് പോസിറ്റീവാണെങ്കിലും ഭയപ്പെടേണ്ട ആവശ്യമില്ല. ശുഭാപ്​തി വിശ്വാസത്തോടെ, സർക്കാരിനെയും ഡോക്ടർമാരെയും മരുന്നിനെയും വിശ്വസിച്ച്​ ശക്തനായിരിക്കുകയാണ്​ വേണ്ടത്. രോഗത്തെ അതിജീവിക്കാൻ ശ്രമിക്കു​ന്നതി​​ന്റെ ഭാഗമായുണ്ടാകുന്ന മാനസിക പ്രശ്​നങ്ങളുടെ തോത്​ കുറയ്ക്കാൻ പ്രാണായാമം സഹായിച്ചു. രാജ്യത്ത്​ കൊവിഡ്​ പ്രതിരോധ പ്രവർത്തനങ്ങൾ നടത്തുന്ന ആരോഗ്യപ്രവർത്തകർ ആക്രമിക്കപ്പെടുന്നത് നിരാശാജനകമാണ്.' - രോഹിത്​ ദത്ത പറഞ്ഞു.