തി​രു​വ​ന​ന്ത​പു​രം: പ്രതിപക്ഷത്തിന്റെ സ്പ്രിൻക്ലർ കരാറുമായി ബന്ധപ്പെട്ട ആരോപണങ്ങളെ തള്ളി മുഖ്യമന്ത്രി പിണറായി വിജയൻ. ത​നി​ക്കെ​തി​രാ​യ നു​ണ​ക്ക​ഥ​ക​ളു​ടെ തു​ട​ർ​ച്ച​യാ​ണ് ഇപ്പോൾ ഉയരുന്ന വിവാദമെന്നും തന്റെ ഭാ​ര്യ​യു​ടെ പേ​രി​ൽ അ​ന്താ​രാ​ഷ്ട്ര ക​മ്പ​നി​യു​ണ്ടെ​ന്നുവരെ മുൻപ് പ്രചരിപ്പിച്ചിട്ടുള്ളതാണെന്നും അദ്ദേഹം ചൂണ്ടിക്കാട്ടി. തന്റെ ഭാര്യയായ കമലയുടെ പേരിൽ 'കമല ഇന്റർനാഷനൽ' എന്നൊരു കമ്പനി ഉള്ളതായി പ്രചാരണം ഉണ്ടായിരുന്നു.

തന്റെ മ​ക​ൾ പ​ഠി​ക്കാ​ൻ വിദേശത്തേക്ക് പോ​യ​തും വി​വാ​ദ​മാ​യി​രു​ന്നു. പക്ഷെ ഓറക്കിൾ എന്ന കമ്പനിയിൽ മകൾക്ക് ജോലി ലഭിച്ചത് വിവാദമാക്കിയിലുള്ള, അത് താൻ നേടികൊടുത്തതാണെന്ന് പ്രചരിപ്പിക്കാൻ കഴിയാത്തതിനാലാകും. തന്റെ മക​ന്റെ പ​ഠ​ന​വും വി​വാ​ദ​മാ​ക്കി. വീ​ട് ര​മ്യ​ഹ​ർ​മ്യം ആ​ണെ​ന്ന് പ്ര​ച​രി​പ്പി​ച്ചു. എ​ന്തെ​ല്ലാം ക​ഥ​ക​ളാ​ണ് പ്ര​ച​രി​ച്ച​ത്. അ​ക്കൂ​ട്ട​ത്തി​ൽ പെ​ടു​ന്ന​താ​ണ് ഇ​ത്. യു.ഡി.എഫ് സർക്കാരിന്റെ കാലത്താണ് താൻ ലാവ്ലിൻ കേസിൽ കുറ്റവിമുക്തനാകുന്നതെന്നും അദ്ദേഹം ചൂണ്ടിക്കാട്ടി.

സി.​പി​.ഐ സം​സ്ഥാ​ന സെ​ക്ര​ട്ട​റി കാ​നം രാ​ജേ​ന്ദ്ര​ൻ സി​.പി​.എം സം​സ്ഥാ​ന സെ​ക്ര​ട്ട​റി കോ​ടി​യേ​രി ബാ​ല​കൃ​ഷ്ണ​നു​മാ​യി കൂ​ടി​ക്കാ​ഴ്ച ന​ട​ത്തി​യ​തി​ൽ അ​ത്ഭു​ത​മൊന്നുമില്ലെന്നും അ​വ​ർ ത​മ്മി​ൽ സാ​ധാ​ര​ണ കാ​ണാ​റു​ള്ളതാണെന്നും മുഖ്യമന്ത്രി വ്യക്തമാക്കുന്നു. അ​തി​ലെ​ന്തെങ്കിലും പ്രത്യേകതയുണ്ടോ എന്നും മു​ഖ്യ​മ​ന്ത്രി ചോ​ദി​ച്ചു. ഐ.​ടി സെ​ക്ര​ട്ട​റി കാ​നം രാജേന്ദ്രനെ ക​ണ്ട​ത് എ​ന്തി​നാ​ണെ​ന്ന് അ​ദ്ദേ​ഹ​ത്തോ​ട് ചോ​ദി​ക്ക​ണ​മെ​ന്നും മു​ഖ്യ​മ​ന്ത്രി മാദ്ധ്യമപ്രവർത്തകരുടെ ചോദ്യം മറുപടിയായി പറഞ്ഞു.