തിരുവനന്തപുരം: ജനറൽ ആശുപത്രിക്ക് സമീപം നിറുത്തിയിട്ടിരുന്ന ഡോക്ടറുടെ കാറിൽ നിന്ന് രേഖകൾ മോഷണം പോയി. കാറിനുള്ളിൽ ലാപ് ടോപ്പ് ബാഗിൽ സൂക്ഷിച്ചിരുന്ന സർട്ടിഫിക്കറ്റുകളുൾപ്പെടെയുള്ള രേഖകളാണ് അപഹരിക്കപ്പെട്ടത്. മാസ്ക് ധരിച്ച് നടന്നുവന്ന ഒരാളാണ് കവർച്ച നടത്തിയത്. ഡോ.ഷെബിൻഷായുടെ വാഹനത്തിൽ നിന്നാണ് രേഖകൾ മോഷ്ടിക്കപ്പെട്ടത്.

ഡോ. ഷെബിൻഷായുടെ വിവിധ സർട്ടിഫിക്കറ്റുകളടങ്ങിയ ലാപ് ടോപ് ബാഗാണ് കാറിന് മുന്നിലെ സീറ്റിൽ വച്ചിരുന്നത്. മാസ്ക്ക് ധരിച്ചെത്തിയ ആൾ കാറിന്റെ ഗ്ലാസ് താഴ്‌ത്തി ബാഗെടുത്ത് മുന്നോട്ടു നീങ്ങുന്നത് സി.സി ടിവി ദൃശ്യങ്ങളിൽ നിന്നും പൊലീസ് കണ്ടെത്തിയിട്ടുണ്ട്. കന്റോൺമെന്റ് പൊലീസ് കേസെടുത്ത് അന്വേഷണം ആരംഭിച്ചു.