ചെന്നൈ: കൊവിഡ് -19 ഉൾപ്പെടെ സർക്കാർ പ്രത്യേകം വിജ്ഞാപനം ചെയ്തിട്ടുള്ള രോഗങ്ങൾ ബാധിച്ച് മരിച്ചവരുടെ സംസ്‌കാരം തടയുന്നത് ക്രിമിനൽ കുറ്റമാക്കി തമിഴ്‌നാട് സർക്കാർ ഓർഡിനൻസ് പുറത്തിറക്കി. മൂന്ന് വർഷംവരെ തടവുശിക്ഷ ലഭിക്കും. കുറ്റക്കാർക്കെതിരെ 1939ലെ തമിഴ്‌നാട് പബ്ലിക്ക് ഹെൽത്ത് ആക്ടിലെ 74-ാം വകുപ്പ് പ്രകാരം കേസെടുക്കുമെന്ന് ഓർഡിനൻസിൽ വ്യക്തമാക്കിയിട്ടുണ്ട്.

ചെന്നൈയിൽ അടുത്തിടെ കൊവിഡ് ബാധിച്ച് മരിച്ച രണ്ട് ഡോക്ടർമാരുടെ സംസ്‌കാരം ജനക്കൂട്ടം തടസപ്പെടുത്തുകയും ആരോഗ്യ പ്രവർത്തകരെയും തദ്ദേശ സ്ഥാപന ജീവനക്കാരെയും ആക്രമിക്കുകയും ചെയ്ത സംഭവത്തിന്റെ പശ്ചാത്തലത്തിലാണ് പുതിയ നടപടി.