സ്ത്രീകൾ മറ്റെന്തിനെക്കാളും ഏറ്റവും കൂടുതൽ ശ്രദ്ധിക്കുന്നത് അവരുടെ സൗന്ദര്യത്തിലാണ്. സൗന്ദര്യ സംരക്ഷണത്തിനായി എന്ത് പരീക്ഷണവും നടത്താറുണ്ട്. മുഖക്കുരു, കറുത്തപാട്, കരിവാളിപ്പ് തുടങ്ങി നിരവധി പ്രശ്നങ്ങളാണ് അവരെ അലട്ടുന്നത്. എന്നാൽ ഇതിനുള്ള ഏറ്റവും നല്ല പ്രതിവിധികളിൽ ഒന്നാണ് കറ്റാർവാഴ.

കറ്റാർവഴ മുഖത്ത് ഫലപ്രധമായ രീതിയിൽ എങ്ങനെയെല്ലാം ഉപയോഗിക്കാനാകും എന്ന് നിരവധി സ്ത്രീകൾക്ക് ഇന്നും അറിയില്ല എന്നതാണ് വാസ്തവം. കറ്റാർവാഴയുടെ ഗുണം കാരണം സൗന്ദര്യവർദ്ധകവസ്തുകളും, നിരവധി ഔഷധങ്ങളും തയ്യാറാക്കുന്നതിനായി ഇത് വ്യാപകമായി ഉപയോഗിക്കുന്നു. സൗന്ദര്യ വർദ്ധനത്തിനായി കറ്റാർവാഴ എങ്ങനെയെല്ലാം ഉപയോഗിക്കാമെന്നും അതിന്റെ ഗുണങ്ങൾ എന്തെല്ലാമാണെന്നും നോക്കാം.

• കറ്രാർവാഴയുടെ നീര്, തൈര്, മുൾട്ടാണിമിട്ടി എന്നിവ യോജിപ്പിച്ച് തലയിൽ പുരട്ടി 30 മിനിറ്റിന് ശേഷം കഴുകികളയാം. ഇത് മുടിയുടെ തിളക്കം വർദ്ധിക്കാൻ സഹായിക്കുന്നു.
• കറ്റാർവാഴയുടെ ജെല്ല് ഒരു കോട്ടൺ തുണിയിൽ പൊതിഞ്ഞ് കൺതടത്തിലും കൺപോളകളിലും വയ്ക്കുന്നത് കണ്ണുകൾക്ക് നല്ലതാണ്.
• കറ്റാർവാഴ ജെല്ല്, തുളസിയില നീര്, പുതിനയിലയുടെ നീര് എന്നിവ ഒരു സ്പൂൺ അളവിൽ എടുത്ത് യോജിപ്പ് 20 മിനിറ്റ് നേരം മുഖത്ത് പുരട്ടുക. മുഖത്തെ കറുത്തപാടുകൾ നീക്കാൻ സാധിക്കുന്നു.
• മുഖത്തെ കരിവാളിപ്പാണ് സ്ത്രീകളുടെ മറ്റൊരു പ്രധാന പ്രശ്നം അതിനാൽ ഒരു സ്പൂൺ കറ്റാർവാഴ നീരും, അര സ്പൂൺ കസ്തൂരി മഞ്ഞളും ചേർത്ത് 15 മിനിറ്റ് മുഖത്ത് പുരട്ടാവുന്നതാണ്.
• മുടിയുടെ ആരോഗ്യത്തിനും വളർച്ചയ്ക്കും അഴകിനും കറ്റാർവാഴ വളരെ ഉത്തമമാണ്. കറ്റാർവാഴ ചേർത്ത് കാച്ചിയ എണ്ണ തലയിൽ തേയ്ക്കാം.