മുംബയ്: വൻകുടലിലെ അണുബാധയെ തുടർന്ന് നടൻ ഇർഫാൻ ഖാനെ മുംബയ് കോകിലാബെൻ ധീരുഭായ് അംബാനി ആശുപത്രിയിൽ പ്രവേശിപ്പിച്ചു. തീവ്രപരിചരണ വിഭാഗത്തിൽ ചികിത്സയിലാണ്. ആരോഗ്യനില വഷളായതിനെ തുടർന്ന് ഇന്നലെയാണ് ഇർഫാനെ ആശുപത്രിയിലേക്ക് കൊണ്ടുപോയത്. 2018ൽ ഇർഫാൻ ന്യൂറോ എൻഡോക്രൈൻ ട്യൂമർ കണ്ടെത്തിയിരുന്നു. തുടർന്ന് വിദേശത്ത് ചികിത്സ തേടിയിരുന്നു.

'അദ്ദേഹം ഡോക്ടറുടെ നിരീക്ഷണത്തിലാണ്. അദ്ദേഹത്തിന്റെ കരുത്തും ധൈര്യവും ഇതുവരെ പോരാടാൻ സഹായിച്ചിട്ടുള്ളതാണ്. ഇച്ഛാശക്തിയിലൂടെയും അഭ്യുദയകാംക്ഷികളുടെ പ്രാർത്ഥനയിലൂടെയും അദ്ദേഹം വേഗം സുഖംപ്രാപിക്കും.' ഇർഫാൻഖാനുമായി ബന്ധപ്പെട്ട വൃത്തങ്ങൾ അറിയിച്ചു.