തിരുവനന്തപുരം: പ്രമുഖ ആയുർവേദ സ്ഥാപനമായ പങ്കജകസ്‌തൂരി ഹെർബൽ റിസർച്ച് ഫൗണ്ടേഷൻ വികസിപ്പിച്ച സിഞ്ചിവീർ - എച്ച് എന്ന ആയുർവേദ ഔഷധത്തിന് ഐ.സി.എം.ആറിന് കീഴിലുള്ള ക്ളിനിക്കൽ ട്രയൽ രജിസ്‌ട്രി ഒഫ് ഇന്ത്യയുടെ (സി.ടി.ആർ.ഐ) പരീക്ഷണാനുമതി ലഭിച്ചുവെന്ന് ഉത്പന്നത്തിന്റെ ഉപജ്ഞാതാവും പങ്കജകസ്‌തൂരി സ്ഥാപകനുമായ ഡോ.ജെ. ഹരീന്ദ്രൻ നായർ പറഞ്ഞു.

പകർച്ചപ്പനി​കൾ, അക്യൂട്ട് വൈറൽ ബ്രോങ്കൈറ്റി​സ് തുടങ്ങിയവയ്ക്ക് ഫലപ്രദമായ സി​ഞ്ചി​വീർ - എച്ച്, റെസ്പിറേറ്ററി​ സി​ൻസി​ഷി​യർ വൈറസ്, ഇൻഫ്ളുവൻസ വൈറസ് എന്നി​വയ്ക്കും ഫലപ്രദമാണെന്ന് തെളിഞ്ഞിരുന്നു.

രാജീവ്ഗാന്ധി​ സെന്റർ ഫോർ ബയോടെക്നോളജി​യി​ൽ നടത്തി​യ ഇൻവി​ട്രോ പരീക്ഷണങ്ങളി​ൽ ഇൗ ഗുളി​ക മനുഷ്യരിൽ പാർശ്വഫലങ്ങൾ ഉണ്ടാക്കുന്നി​ല്ലെന്നും തെളിഞ്ഞു. ഇൻസ്റ്റി​റ്റ്യൂഷണൽ എത്തി​ക്സ് കമ്മി​റ്റി​കളുടെ അംഗീകാരവും ലഭിച്ചു. തുടർന്നാണ്, സി.ടി.ആർ.ഐ വി​വി​ധ മെഡി​ക്കൽ കോളേജുകളിൽ ക്ളി​നി​ക്കൽ ട്രയലി​ന് അനുമതി​ നൽകിയതെന്ന് അദ്ദേഹം പറഞ്ഞു.

കൊവിഡ്-19 ബാധിച്ച് രാജ്യത്തെ വിവിധ മെഡിക്കൽ കോളേജുകളിൽ ചികിത്സയിൽ കഴിയുന്നവരിൽ സിഞ്ചിവീർ-എച്ച് ഗുളിക നൽകിയാണ് ഗുണപരിശോധനയും ഫലപ്രാപ്‌തിയും ഉറപ്പുവരുത്തുന്നത്. മേയ് രണ്ടാംവാരത്തോടെ ആദ്യഫലങ്ങൾ ലഭ്യമാകുമെന്നും അദ്ദേഹം പറഞ്ഞു.