തെങ്ങമം :കൊറോണ പ്രധിരോധ പ്രവർത്തനങ്ങളുടെ ഭാഗമായി പള്ളിക്കൽ പഞ്ചായത്തിൽ തെങ്ങമം പ്രദേശത്ത് ബി.ജെ.പിയുടെ നേതൃത്വത്തിൽ നൂറിലധികം കുടുംബങ്ങൾക്ക് അരിയും പച്ചക്കറി ഉൾപെടെയുള്ള നമോകിറ്റുകൾ വിതരണം ചെയ്തു. നിയന്ത്രണങ്ങൾ നിലനില്ക്കുന്നതുമൂലം തൊഴിലിനു പോകാൻ കഴിയാതെ ആഹാരസാധനങ്ങൾ തീർന്നവരും പാവപ്പെട്ടവരുമായ കുടുംബങ്ങൾക്കാണ് ബി.ജെ.പി സഹായവുമായി എത്തിയത്. നമോ കിറ്റുകളുടെ വിതരണം ബി.ജെ.പി അടൂർ നിയോജക മണ്ഡലം ജനറൽ സെക്രട്ടറി രാജേഷ് തെങ്ങമം ഉദ്ഘാടനം ചെയ്തു.സനൂപ്,മനോജ്,പ്രസന്നൻ മധുകുമാർ,മുരളി എന്നിവർ കിറ്റു വിതരണത്തിന് നേതൃത്വം നല്കി.