കോന്നി: കോന്നി മെഡിക്കൽ കോളേജ് അടിയന്തരമായി തുറന്ന് പ്രവർത്തനം ആരംഭിക്കണമെന്ന് കെ.പി.സി.സി അംഗം പി.മോഹൻരാജ് ആവശ്യപ്പെട്ടു. കോവിഡ് 19 പോലെയുള്ള ഏതു അടിയന്തര സാഹചര്യത്തെയും നേരിടാനുള്ള മുന്നൊരുക്കമായിട്ടാണ് ഉമ്മൻചാണ്ടിയുടെ നേതൃത്തിലുളള യു.ഡി.ഫ് സർക്കാർ എല്ലാ ജില്ലകളിലും സർക്കാർ മെഡിക്കൽ കോളേജ് ആരംഭിക്കാൻ തീരുമാനം എടുത്ത് പ്രവർത്തനം ആരംഭിച്ചത്.ജില്ലയ്ക്ക് അനുവദിച്ച മെഡിക്കൽ കോളേജ്അടൂർപ്രകാശിന്റെ ശ്രമഫലമായി കോന്നിയിൽ അനുവദിച്ചു നിർമ്മാണം പൂർത്തിയാക്കിയത്. കഴിഞ്ഞ നാലു വർഷമായി പുതിയ നിർമ്മാണം ഒന്നും നടത്താതെ കോടി കണക്കിന് രുപ ചെലവഴിച്ച മെഡിക്കൽ കോളേജ്, കഴിഞ്ഞ യു.ഡി.ഫ്സർക്കാർ നിർമ്മാണം തുടങ്ങി പൂർത്തിയായി ഇന്ന് തുടങ്ങിയ കാസർഗോഡ് മെഡിക്കൽ കോളേജ് പോലെ തുറന്നു പ്രവർത്തനം ആരംഭിക്കാൻ അടിയന്തരമായി സംസ്ഥാന സർക്കാർ തയാറാകണമെന്ന് പി.മോഹൻരാജ് ആവശ്യപ്പെട്ടു.