പത്തനംതിട്ട : മറ്റു സംസ്ഥാനങ്ങളിൽ നിന്നോ രാജ്യങ്ങളിൽ നിന്നോ ജില്ലയിൽ വരുന്നവർ എത്തിയാൽ ഉടൻതന്നെ അടുത്തുള്ള സർക്കാർ ആരോഗ്യകേന്ദ്രത്തിലോ, പത്തനംതിട്ട ജില്ലാ മെഡിക്കൽ ഓഫീസിലോ വിവരം അറിയിക്കുകയും ആരോഗ്യവകുപ്പിന്റെ നിർദേശം അനുസരിച്ച് സമ്പർക്ക വിലക്കിൽ ഇരിക്കണമെന്നും ജില്ലാ മെഡിക്കൽ ഓഫീസർ (ആരോഗ്യം) ഡോ.എ.എൽ ഷീജ അറിയിച്ചു.

ജില്ലാ മെഡിക്കൽ ഓഫീസിലെ കോവിഡ് കൺട്രോൾ യൂണിറ്റിൽ റിപ്പോർട്ട് ചെയ്യാൻ വിളിക്കുക: ഫോൺ: 04682228220, 9205284484.

ഈ സൗകര്യം 24 മണിക്കൂറും ലഭ്യമാണ്. ജില്ലയ്ക്ക് പുറത്തു നിന്ന് എത്തുന്നവർ യഥാസമയം ആരോഗ്യകേന്ദ്രത്തിൽ വിവരം അറിയിച്ചില്ലെങ്കിൽ നിയമ നടപടി സ്വീകരിക്കും. സംസ്ഥാനത്തിനു പുറത്തുനിന്ന് ജില്ലയിലെത്തുന്ന ആളുകളെ സംബന്ധിച്ച വിവരങ്ങൾ പൊതുജനങ്ങൾക്കും അറിയിക്കാം.