ആലപ്പുഴ: ലോക്ക് ഡൗൺ ലംഘനത്തിന് ജില്ലയിൽ ഇന്നലെ 272 കേസുകൾ രജിസ്റ്റർ ചെയ്തു. 288 പേർ പകർച്ചവ്യാധി നിയന്ത്രണ നിയമം അനുസരിച്ച് അറസ്റ്റിലായി. കഴിഞ്ഞ ദിവസത്തേക്കാൾ 45 കേസുകളുടെ വർദ്ധനവുണ്ട്.

155 വാഹനങ്ങൾ പിടിച്ചെടുത്തു. ക്വാറന്റൈൻ ലംഘിച്ചതിന് ഒരാൾക്കെതിരെയും ലോക്ക്ഡൗൺ ലംഘിച്ചതിന് 17 പേർക്കെതിരെയും റോഡരികിലും മറ്റ് സ്ഥലങ്ങളിലും നിന്നതിന് 10 കേസുകളിലായി 29 പേർക്കെതിരെയും വ്യാജ സത്യവാങ്മൂലം ഉപയോഗിച്ച് യാത്ര ചെയ്തതിന് 15 പേർക്കെതിരെയും സത്യവാങ് മൂലം ഇല്ലാതെ യാത്രചെയ്തതിന് 232 പേർക്കെതിരെയുമാണ് കേസ്. ചാരായ നിർമ്മാണത്തിന് അഞ്ച് കേസുകളിൽ 16 പേർക്കും ചീട്ടുകളിയുമായി ബന്ധപ്പെട്ട ആറു കേസുകളിൽ 19 പേർക്കും അനുവാദം ഇല്ലാതെ കടകൾ തുറന്നതിന് 11 പേർക്കുേ നിരോധിത പുകയില ഉത്പന്നങ്ങൾ വിറ്റതിന് മൂന്ന് പേർക്കുമെതിരെ കേസെടുത്തു.