പത്തനംതിട്ട : കൊവിഡ് -19ന്റെ പശ്ചാത്തലത്തിൽ കേരള കശുവണ്ടി തൊഴിലാളി ആശ്വാസ ക്ഷേമനിധി ബോർഡിന്റെ കായംകുളം ഇൻസ്പെക്ടർ ഓഫീസിന്റെ പരിധിയിൽ വരുന്ന തൊഴിലാളികൾക്ക് സർക്കാർ പ്രഖ്യാപിച്ച ധനസഹായമായ 1000 രൂപ ബാങ്ക് അക്കൗണ്ട് വിവരങ്ങൾ നൽകിയിട്ടുള്ള തൊഴിലാളികളുടെ അക്കൗണ്ടിൽ ലഭ്യമാക്കും. തുറന്നു പ്രവർത്തിച്ചിരുന്നതും എന്നാൽ ബാങ്ക് അക്കൗണ്ട് വിവരങ്ങൾ നൽകാത്തതുമായ ക്ഷേമനിധി അംഗങ്ങൾ അവരുടെ അംഗത്വകാർഡ്, ബാങ്ക് പാസ്സ്ബുക്ക്, ആധാർ കാർഡ് എന്നിവയുടെ പകർപ്പുകൾ ഫോൺ നമ്പർ സഹിതം chiefofficecashew@gmail.com എന്ന ഇമെയിൽ ഐഡിയിലേക്ക് അയക്കണം. ഇമെയിൽ വഴി രേഖകൾ സമർപ്പിക്കാൻ സാധിക്കാത്തവർ നാളെെ മുതൽ കായംകുളം ക്ഷേമനിധി ഇർസ്പെക്ടർ ഓഫിസിൽ നേരിട്ട് നല്‍കാവുന്നതാണ്. ലോക്ക്ഡൗണിനു ശേഷവും ഈ ആനുകൂല്യം തൊഴിലാളികൾക്ക് ലഭിക്കുന്നതാണ്. കഴിഞ്ഞ ഓണത്തിന് 2000 രൂപ കൈപറ്റിയവരും അക്കൗണ്ട് വിവരങ്ങൾ നേരത്തെ നൽകിയിട്ടുള്ളവർ തുടർന്ന് നൽകേണ്ടതില്ല.ഫോൺ: 9446444406.