പത്തനംതിട്ട :കൊവിഡ് 19ന്റെ പശ്ചാത്തലത്തിൽ കേരള കശുഅണ്ടി തൊഴിലാളി ആശ്വാസ ക്ഷേമനിധി ബോർഡിന്റെ കായംകുളം ഇൻസ്‌പെക്ടർ ഓഫീസിന്റെ പരിധിയിൽ വരുന്ന തൊഴിലാളികൾക്ക് സർക്കാർ പ്രഖ്യാപിച്ച ധനസഹായമായ 1000 രൂപ തൊഴിലാളികളുടെ അക്കൗണ്ടിൽ ലഭ്യമാക്കും. തുറന്നു പ്രവർത്തിച്ചിരുന്നതും എന്നാൽ, ബാങ്ക് അക്കൗണ്ട് വിവരങ്ങൾ നൽകാത്തതുമായ ക്ഷേമനിധി അംഗങ്ങൾ അവരുടെ അംഗത്വകാർഡ്, ബാങ്ക് പാസ്ബുക്ക്, ആധാർ കാർഡ് എന്നിവയുടെ പകർപ്പുകൾ ഫോൺ നമ്പർ സഹിതം chiefofficecashew@gmail.com എന്ന ഇമെയിലിലേക്ക് അയയ്ക്കണം. ഇമെയിൽ വഴി രേഖകൾ സമർപ്പിക്കാൻ സാധിക്കാത്തവർ കായംകുളം ക്ഷേമനിധി ഇൻസ്‌പെക്ടർ ഓഫീസിൽ നേരിട്ട് നൽകാം. ലോക്ക് ഡൗണിനു ശേഷവും ഈ ആനുകൂല്യം തൊഴിലാളികൾക്ക് ലഭിക്കും. കഴിഞ്ഞ ഓണത്തിന് 2000 രൂപ കൈപ്പറ്റിയവരും അക്കൗണ്ട് വിവരങ്ങൾ നേരത്തെ നൽകിയിട്ടുള്ളവരും തുടർന്ന് നൽകേണ്ടതില്ല. കൂടുതൽ വിവരങ്ങൾക്ക് ഫോൺ: 9446444406.