ചെങ്ങന്നൂർ: സ്പ്രിംക്ലർ ഇടപാടുമായുള്ള ആരോപണങ്ങൾ ഉയർന്നപ്പോൾ മുഖ്യമന്ത്രി മാദ്ധ്യമ പ്രവർത്തകരെ മാദ്ധ്യമ സിന്തിക്കേറ്റ് എന്നു പറഞ്ഞ്​ പരാമർശിച്ചത് അങ്ങേയറ്റം അപലപനീയവും അധിക്ഷേപവുമാണെന്ന്
കെ.പി.സി.സി വൈസ് പ്രസിഡന്റ് പി.സി.വിഷ്ണുനാഥ് പറഞ്ഞു.
മൂന്ന് വിഭാഗം ജീവനക്കാരാണ് ജീവൻ പണയപ്പെടുത്തി കോവിഡ് 19 നുമായി ബന്ധപ്പെട്ട് പ്രവർത്തിക്കുന്നത്. ആരോഗ്യ വകുപ്പ്, പൊലീസ് , മാദ്ധ്യമങ്ങൾ എന്നിവയാണ് അവ.
തെറ്റുണ്ടങ്കിൽ അത് ചൂണ്ടിക്കാണിക്കേണ്ടത് മാദ്ധ്യമ ധർമ്മമാണ് ​ അതിൽ തെറ്റ് ഉണ്ടോ എന്ന് പരിശോധിക്കണ്ടതിനു പകരം മാദ്ധ്യമ സിന്തിക്കേറ്റ് എന്നു പറഞ്ഞ് അധിക്ഷേപിക്കുന്നത് അനീതിയാണ്.