കൊല്ലം: പള്ളിത്തോട്ടം എച്ച് ആൻഡ് സി വളപ്പിലെ വീട്ടിൽ സൂക്ഷിച്ചിരുന്ന 390 കിലോ റേഷനരി പൊലീസ് പിടിച്ചെടുത്തു. വീട്ടുടമ പൂക്കുഞ്ഞിനെ (55) പൊലീസ് അറസ്റ്റ് ചെയ്തു. പൂക്കുഞ്ഞിന്റെ വീട്ടിൽ റേഷനരി സംഭരിച്ചിട്ടുണ്ടെന്ന വിവരത്തിന്റെ അടിസ്ഥാനത്തിൽ പള്ളിത്തോട്ടം പൊലീസാണ് പരിശോധന നടത്തിയത്. 390 കിലോ റേഷൻ അരി എട്ട് ചാക്കുകളിലായാണ് സൂക്ഷിച്ചിരുന്നത്. വിവിധ ആളുകളിൽ നിന്ന് റേഷനരി വില കൊടുത്ത് വാങ്ങിയെന്നാണ് പൂക്കുഞ്ഞ് പൊലീസിനോട് പറഞ്ഞത്. പിടിച്ചെടുത്ത റേഷനരി പള്ളിത്തോട്ടം പൊലീസ് സ്റ്റേഷനിലേക്ക് മാറ്റി.