കീർത്തി സുരേഷ് വിവാഹിതയാവുന്നുവെന്ന വാർത്തയായിരുന്നു കഴിഞ്ഞ ദിവസം സോഷ്യൽ മീഡിയയിൽ പ്രചരിച്ചത്. പ്രമുഖ ബിസിനസുകാരനാണ് താരപുത്രിയെ വിവാഹം ചെയ്യുന്നതെന്നായിരുന്നു റിപ്പോർട്ടുകൾ. വിവാഹവുമായി ബന്ധപ്പെട്ട വിശദാംശങ്ങൾ പെട്ടെന്ന് തന്നെ പുറത്തുവിട്ടേക്കുമെന്ന വിവരങ്ങളും പ്രചരിച്ചു. ആരെയാണ് കീർത്തി സുരേഷ് വിവാഹം ചെയ്യുന്നതെന്നറിയാനായിരുന്നു എല്ലാവരും ആകാംഷയോടെ കാത്തിരുന്നത്.

എന്നാൽ പ്രചരിച്ച കാര്യങ്ങൾ ശരിയല്ലെന്ന് വ്യക്തമാക്കി എത്തിയിരിക്കുകയാണ് കുടുംബം. വാസ്തവ വിരുദ്ധമായ വാർത്തയാണ് പ്രചരിച്ചുകൊണ്ടിരിക്കുന്നത്. ആരും തെറ്റിദ്ധരിക്കപ്പെടരുതെന്നും കുടുംബം വ്യക്തമാക്കിയിട്ടുണ്ട്. പുതിയ സിനിമയുമായി ബന്ധപ്പെട്ട തിരക്കുകളിലായിരുന്നു കീർത്തി സുരേഷ്. രജനികാന്ത് ചിത്രമായ ‘അണ്ണാത്തെ'യിലാണ് കീർത്തി അഭിനയിച്ചുകൊണ്ടിരിക്കുന്നത്. കൊവിഡ് 19 പ്രതിസന്ധിയെ തുടർന്ന് ഷൂട്ടിംഗ് നിറുത്തിവച്ചിരിക്കുകയാണ്. ചെന്നൈയിലെ ഫ്ളാറ്റിൽ രണ്ട് കൂട്ടുകാരികൾക്കൊപ്പമാണ് കീർത്തി ലോക്ക് ഡൗൺ ദിനങ്ങളിൽ കഴിയുന്നത്.