കൊല്ലം: കൊട്ടാരക്കര ചന്തമുക്കിലെ ബ്ലോക്ക് പഞ്ചായത്ത് വക കെട്ടിടത്തിന്റെ ചില്ലുകൾ എറിഞ്ഞു തകർത്തു. മാനസിക വൈകല്യമുള്ള ആളാണ് അക്രമം കാട്ടിയതെന്ന് പൊലീസ് പറയുന്നു. റൂറൽ എസ്.പി.യുടെ നിർദ്ദേശത്തെ തുടർന്ന് ഇയാളെ പൊലീസ് പിടികൂടി മാനസികാരോഗ്യ കേന്ദ്രത്തിലാക്കി. ഈ കെട്ടിടത്തിന് നേർക്ക് മുൻപും ആക്രമണം നടത്തിയിരുന്നു. ഇതേയാൾതന്നെയാണ് അന്നും ജനാല ചില്ലുകൾ എറിഞ്ഞു തകർത്തത്. മുൻഭാഗത്തെ കണ്ണാടി വാതിലിന്റെ ചില്ലുകളാണ് ഇക്കുറി തകർത്തത്.