കൊ​ല്ലം: ക്ഷീ​ര കർ​ഷ​ക​രി​ലൂ​ടെ വി​ഷ​ര​ഹി​ത പ​ച്ച​ക്ക​റി കൃ​ഷി വ്യാ​പി​പ്പി​ക്കാൻ മിൽ​മ ആ​രം​ഭി​ച്ച ഹ​രി​ത മിൽ​മ പ​ദ്ധ​തി​യിൽ നി​ന്ന് വി​ള​വെ​ടു​ത്ത ഉ​ത്​പ​ന്ന​ങ്ങൾ കൊ​വി​ഡ് 19ന്റെ പ​ശ്ചാ​ത്ത​ല​ത്തിൽ ആ​രം​ഭി​ച്ച സാമൂഹിക അടുക്കളകൾക്ക് സൗ​ജ​ന്യ​മാ​യി നൽ​കി മിൽ​മ തി​രു​വ​ന​ന്ത​പു​രം മേ​ഖ​ലാ യൂ​ണി​യൻ മാ​തൃ​ക​യാ​യി.

വി​ത​ര​ണ​ത്തി​ന്റെ മേ​ഖ​ലാ​ത​ല ഉ​ദ്​ഘാ​ട​നം മിൽ​മ ചെ​യർ​മാൻ ക​ല്ല​ട ര​മേ​ശ് കു​ണ്ട​റ ഗ്രാ​മ​പ​ഞ്ചാ​യ​ത്ത് പ്ര​സി​ഡന്റ് കെ.ബാ​ബു​രാ​ജ​ന് പച്ചക്കറികൾ നൽ​കി കൊ​ല്ല​ത്ത് നിർ​വ​ഹി​ച്ചു.തി​രു​വ​ന​ന്ത​പു​രം, കൊ​ല്ലം, പ​ത്ത​നം​തി​ട്ട, ആ​ല​പ്പു​ഴ ജി​ല്ല​ക​ളി​ലാ​യി തി​ര​ഞ്ഞെ​ടു​ക്ക​പ്പെ​ട്ട എ​ട്ട് ക്ഷീ​രോ​ത്​പാ​ദ​ക സ​ഹ​ക​ര​ണ സം​ഘ​ങ്ങൾ വ​ഴി​യാ​ണ് പ​ച്ച​ക്ക​റി കൃ​ഷി ആ​രം​ഭി​ച്ചി​ട്ടു​ള്ള​ത്. 25 ഏ​ക്ക​റിലെ കൃഷിക്ക് 25 ല​ക്ഷം രൂ​പ​യാ​ണ് അ​നു​വ​ദി​ച്ച​ത്.

ഇ​ന്ത്യൻ ഇൻ​സ്റ്റിറ്റ്യൂ​ട്ട് ഒ​ഫ് ഹോൾ​ട്ടി കൾ​ച്ചർ എ​ന്ന കേ​ന്ദ്ര സർ​ക്കാർ സ്ഥാ​പ​ന​ത്തിൽ നി​ന്നാ​ണ് പ​ച്ച​ക്ക​റി കൃ​ഷി​ക്ക് ആ​വ​ശ്യ​മാ​യ മു​ന്തി​യ ഇ​നം ഹൈ​ബ്രി​ഡ് വി​ത്തു​കൾ വാ​ങ്ങി​യ​ത്. ലോക്ക് ഡൗൺ കാ​ലാ​വ​ധി തീ​രു​ന്ന​തുവ​രെ എ​ട്ട് ക്ഷീ​രോ​ത്​പാ​ദ​ക സ​ഹ​ക​ര​ണ സം​ഘ​ങ്ങ​ളിൽ വി​ള​വെ​ടു​ക്കു​ന്ന പ​ച്ച​ക്ക​റി​കൾ അ​താ​ത് പ്ര​ദേ​ശ​ങ്ങ​ളി​ലെ സാമൂഹിക അടുക്കളകളിലേക്ക് നൽ​കു​മെ​ന്ന് ക​ല്ല​ട ര​മേ​ശ് അ​റി​യി​ച്ചു.