കൊ​ല്ലം: 'പാ​ലി​യേ​റ്റീ​വ് പി​ള്ള​ച്ചേ​ട്ടന്' ലോക്ക് ഡൗൺ കാ​ല​ത്തും വിശ്രമത്തിന് സമയമില്ല. രോഗികൾക്ക് വേ​ദ​ന​സം​ഹാ​രി​ക​ൾ​ ഉൾപ്പെ​ടെയുള്ള​ അവ​ശ്യ​ മ​രു​ന്നു​കൾ സൗ​ജ​ന്യ​മാ​യി വീടുക​ളി​ലെ​ത്തി​ക്കാൻ ആം​ബു​ലൻ​സിൽ പ​റ​ക്കു​ക​യാ​ണ് അദ്ദേ​ഹം.

കൊ​ല്ലം പെ​യിൻ ആൻഡ് പാ​ലി​യേ​റ്റീ​വ് കെ​യർ ട്ര​സ്റ്റ് സി.ഇ.ഒയും സെ​ക്ര​ട്ട​റി​യു​മാ​യ എൻ. മോ​ഹ​നൻ പി​ള്ള​യാണ് നാട്ടുകാർക്കിടയിൽ പാലിയേറ്റീവ് പിള്ളച്ചേട്ടൻ എന്ന പേരിൽ അറിയപ്പെടുന്നത്. ട്ര​സ്റ്റി​ന്റെ ലീ​ഗൽ അ​ഡ്വൈ​സ​ർ ക​ല്ലൂർ കൈ​ലാ​സ് നാ​ഥും സാ​ര​ഥി​യാ​യി സു​നി​ലും എപ്പോഴും പിള്ളച്ചേട്ടനോടൊപ്പമുണ്ടാകും.

ന​ങ്ങ്യാർ​കു​ള​ങ്ങ​ര മു​തൽ പാ​രി​പ്പ​ള്ളി വ​രെ​യു​ള്ള പതിനായി​ര​ത്തി​ലേറെ കാൻ​സർ രോ​ഗി​കളാണ് ട്ര​സ്റ്റിൽ ഇന്നോളം ര​ജി​സ്റ്റർ ചെ​യ്​തി​ട്ടു​ള്ളത്. പ​കു​തി​യി​ല​ധി​ക​വും കിടപ്പുരോ​ഗി​ക​ളാ​യ നി​രാ​ലം​ബ​രാ​ണ്. ഡോ​ക്ടർ​മാ​രാ​യ ക​മ​ലാ​സ​നൻ, നാ​രാ​യ​ണ​ക്കു​റു​പ്പ്, ജ​യ​കു​മാർ, റാ​ണി ശാ​ന്ത​കു​മാ​രി, രാ​ധാ​ബാ​യി, സി.എ​സ്. ചി​ത്ര, ജ​യ​ശ്രീ, സാ​റാ​മ്മ മാ​മ്മൻ എ​ന്നി​വ​രു​ടെ നിർ​ദ്ദേശ​ പ്രകാരമാണ് ഇവർക്ക് മരുന്നുകൾ എത്തിച്ച് നൽകുന്നത്.

വി​വി​ധ മേ​ഖ​ല​ക​ളിൽ നി​ന്ന് വി​ര​മി​ച്ച എം.കെ. അ​പ്പു, അൽ​ഫോൺ​സ്, ര​മേ​ശൻ, ല​ക്ഷ്​മി​ക്കു​ട്ടി, ഗം​ഗ, പ്രൊ​ഫ. ലൈ​ല, സ​ര​സ്വ​തി, ജ​സ്സി, ബീ​ന, ഗൗ​രി, ശ്രീ​ദേ​വി, ഷൈ​നി തു​ട​ങ്ങി​യവരുടെ നീ​ണ്ടനി​ര ട്രസ്റ്റിന്റെ പ്രവർത്തനങ്ങൾക്ക് പിന്തുണയുമായുണ്ട്. ല​ക്ഷ്​മി നാ​രാ​യ​ണനാ​ണ് പ​ബ്‌​ളി​ക് റി​ലേ​ഷൻ​സ് ഓ​ഫീ​സർ.
ആർ.സി.സി നൽ​കു​ന്ന പ​രി​ശീ​ല​ന പ​രി​പാ​ടി​ക​ളിലും ട്രസ്റ്റിന്റെ പ്രവർത്തകർ പ​ങ്കെ​ടു​ക്കു​ന്നു​ണ്ട്. അ​ഭ്യു​ദ​യ​ കാം​ക്ഷി​ക​ളു​ടെ സ​ഹാ​യം കൊ​ണ്ടാ​ണ് ട്ര​സ്റ്റി​ന്റെ ദൈ​നം​ദി​ന പ്ര​വർ​ത്ത​ന​ങ്ങൾ നടക്കുന്നത്.

 ട്രസ്റ്റിന്റെ മറ്റ് സേവനങ്ങൾ

വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലെ എൻ.എ​സ്.എ​സ് യൂണി​റ്റു​മാ​യി ചേർ​ന്ന് വിവിധ ബോ​ധ​വ​ത്​ക്ക​ര​ണ ക്ലാ​സു​ക​ൾ ട്രസ്റ്റിന്റെ നേതൃത്വത്തിൽ സം​ഘ​ടി​പ്പി​ക്കുന്നുണ്ട്. രോഗി​ക​ളാ​യ​വർ നേരി​ടേ​ണ്ടി വ​രു​ന്ന നി​യ​മ​പ്ര​ശ്‌​ന​ങ്ങൾ​ക്ക് സൗ​ജ​ന്യ സ​ഹാ​യ​വു​മാ​യി കൈലാസ് നാഥിന്റെ നേതൃത്വത്തിൽ ലീ​ഗൽ വിം​ഗും സ​ജീ​വ​മാ​യി പ്ര​വർ​ത്തി​ച്ചു​വരുന്നു. കൊ​ല്ലം ചി​ന്ന​ക്ക​ട​യി​ലെ ഡോ. റാ​ണീ​സ് ക്ലി​നി​ക്കിൽ തി​ങ്കൾ, വ്യാ​ഴം ദിവസങ്ങളിൽ ന​ട​ക്കു​ന്ന മ​രു​ന്നു​വി​ത​ര​ണം ഇ​പ്പോ​ഴും മു​ട​ക്ക​മി​ല്ലാ​തെ തു​ട​രു​ന്നു​ണ്ട്.

ട്ര​സ്റ്റി​ന്റെ സേ​വ​ന പ്ര​വർ​ത്ത​ന​ങ്ങ​ൾ വിപുലീകരിക്കുന്നതിന്റെ ഭാഗമാ​യി ക​മ്മ്യൂ​ണി​റ്റി റേ​ഡി​യോ ആരംഭിക്കുന്നതിന് കേ​ന്ദ്ര സർ​ക്കാർ അ​നു​മ​തി നൽ​കി​യി​ട്ടു​ണ്ട്. ഇതിന്റെ പ്രക്ഷേപണം ഉടൻ ആ​രം​ഭി​​ക്കാനു​ള്ള പ്ര​വർ​ത്ത​ന​ങ്ങൾ ന​ട​ന്നു​വ​രികയാണ്.

 ഡോക്ടർമാരുടെ സേവനങ്ങൾക്ക് ബന്ധപ്പെടാം

കൊ​ല്ലം പെ​യിൻ ആൻഡ് പാ​ലി​യേ​റ്റീ​വ് കെ​യർ ട്രസ്റ്റിന്റെ നേതൃത്വത്തിൽ ഡോ​ക്ടർ​മാ​രു​ടെ സേ​വ​ന​ങ്ങൾ ടെ​ലി​കാൾ വ​ഴി​യും വാ​ട്ട്‌​സ് ആ​പ്പ് വ​ഴി​യും ല​ഭ്യ​മാ​ണ്. ഫോൺ: 9446293571