കൊല്ലം: പെടയ്ക്കണ ചാളയുമായി മത്സ്യത്തൊഴിലാളികളെത്തി, ഇന്ന് കൊല്ലം കോർപ്പറേഷന്റെ സാമൂഹിക അടുക്കളയിൽ നിന്നുള്ള പൊതിച്ചോറുകളിൽ പൊരിച്ച ചാള! അഞ്ഞൂറ് പേർക്കുള്ള പൊതിച്ചോറാണ് സാമൂഹിക അടുക്കളയിൽ ദിനവും തയ്യാറാക്കുന്നത്. ഇതിൽ മത്സ്യ വിഭവങ്ങളും ചേരുമ്പോൾ പൊതുച്ചോറുണ്ണുന്നവർക്ക് രുചിമേളത്തിന്റെ ആശ്വാസമാകും. തൊഴിലില്ലാതെ പട്ടിണിയോട് മല്ലിടുകയാണ് മത്സ്യത്തൊഴിലാളികൾ. എന്നിട്ടും എല്ലാവർക്കും വേണ്ടി അവർ കടൽ വിഭവങ്ങൾ എത്തിക്കാൻ മനസുകാട്ടിയതിനെ എല്ലാവരും അഭിനന്ദിച്ചു. വാടി തീരദേശത്തെ തൊഴിലാളികളാണ് കൗൺസിൽ ഷീബാ ആന്റണിയുടെ നേതൃത്വത്തിൽ സാമൂഹ്യ അടുക്കളയിലേക്ക് മത്സ്യവുമായെത്തിയത്.