ഓയൂർ: പെൻഷൻ വാങ്ങാനെത്തിയ വയോധികൻ ബാങ്കിനുള്ളിൽ കുഴഞ്ഞുവീണ് മരിച്ചു. കരിങ്ങന്നൂർ ആറ്റൂർക്കോണം പറങ്കിമാംവിള വീട്ടിൽ സുരേന്ദ്രൻ പിള്ളയാണ് (75) മരിച്ചത്.ഇന്നലെ രാവിലെ 11 മണിയോടെയായിരുന്നു സംഭവം. എസ്.ബി.ഐ യുടെ ഓയൂർ ശാഖയിൽ ക്ഷേമ പെൻഷൻ വാങ്ങാനായി എത്തിയതായിരുന്നു സുരേന്ദ്രൻപിള്ള. ബാങ്കിനുള്ളിൽ നിൽക്കുമ്പോൾ ഇയാൾ കുഴഞ്ഞ് വീഴുകയായിരുന്നു. ഉടൻ ആശുപത്രിയിലേക്ക് കൊണ്ടു പോയെങ്കിലും വഴിമദ്ധ്യേ മരിച്ചു. പൂയപ്പള്ളി പൊലീസ് മേൽനടപടികൾ സ്വീകരിച്ച മൃതദേഹം പാരിപ്പള്ളി മെഡിക്കൽ കോളജ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. സംസ്കാരം പിന്നീട്. ഭാര്യ:ലളിത, മക്കൾ: ജലജാമണി, മോഹനചന്ദ്രൻ. മരുമക്കൾ: മനോഹരൻ പിള്ള, അനിതാ കുമാരി.