കൊല്ലം: കൊല്ലം പ്രാക്കുളം വിളപ്പുറത്ത് ഗോൾഡൻ പാലസിൽ പുരുഷോത്തമന്റെ മകൻ അശോക് കുമാർ (47) ദുബായിൽ കെട്ടിടത്തിന്റെ മുകളിൽ നിന്നും ചാടിമരിച്ചു. ഉച്ചയോടെയാണ് ബന്ധുക്കൾക്ക് വിവരം ലഭിച്ചത്. കൊവിഡ് നിരീക്ഷണത്തിലായിരുന്നുവെന്നാണ് വിവരം.

ദുബായിൽ ഒരു കമ്പനിയിലെ ഫോർമാനായ അശോക് കുമാർ ഒരു വർഷം മുൻപാണ് നാട്ടിൽ വന്നിട്ടുപോയത്. ഇക്കഴിഞ്ഞ മാർച്ചിൽ നാട്ടിൽ വരാനിരുന്നതാണ്. കൊവിഡ് നിരീക്ഷണത്തിലായിരുന്നതിനാൽ, അശോക് കുമാറിന്റെ സ്രവം പരിശോധനയ്ക്ക് അയച്ചിട്ടുണ്ട്. നാളെ പരിശോധനാ ഫലം വരും. നെഗറ്റീവായാൽ മൃതദേഹം നാട്ടിലെത്തിയ്ക്കാമെന്നാണ് ബന്ധുക്കൾ കണക്കുകൂട്ടുന്നത്. അടുത്ത ബന്ധു ദുബായിൽ അശോക് കുമാർ ജോലി ചെയ്തിരുന്ന സ്ഥലത്ത് എത്തിയിട്ടുണ്ട്. ഭാര്യയും രണ്ടുമക്കളുമുണ്ട്.