കൊ​ല്ലം: കൊവിഡിനെ തു​ര​ത്താൻ ഇ​ട​യ്​ക്കി​ടെ കൈകഴുകുമ്പോൾ കൈ അണുവിമുക്തമാകും. എന്നാൽ കൈ ക​ഴു​കി​യ ശേ​ഷം സ്പർശിക്കുന്ന മൊ​ബൈൽ, പ​ഴ്‌​സ്, പ​ണം, വാ​ച്ച്, ടാ​ബ്‌​ല​റ്റ് തു​ട​ങ്ങിയ വ​സ്​തു​ക്ക​ളെ അ​ണു​വി​മു​ക്ത​മാ​ക്കാൻ എൻ.എ​സ് സ​ഹ​ക​ര​ണ ആ​ശു​പ​ത്രി 'മൊ​ബി​ട്ടൈ​സർ' വി​ക​സി​പ്പി​ച്ചു. അൾ​ട്രാ​വ​യ​ല​റ്റ് ര​ശ്​മി​കൾ ക​ട​ത്തി​വി​ട്ട് ഈ വസ്തുക്കളെ അ​ണു​വി​മു​ക്ത​മാ​ക്കുന്ന 'മൊ​ബി​ട്ടൈ​സർ' എന്ന നൂതന സംവിധാനം രൂപകൽപ്പന ചെയ്തത് ആ​ശു​പ​ത്രി​യി​ലെ ഐ.ടി, ബ​യോ​മെ​ഡി​ക്ക​ൽ, ഇ​ല​ക്​ട്രി​ക്ക​ൽ എൻജിനീ​യ​റിം​ഗ് വി​ഭാ​ഗം ജീ​വ​ന​ക്കാ​രാ​ണ്.

പാ​ഴ് വ​സ്​തു​ക്ക​ളും അൾ​ട്രാ​വ​യ​ല​റ്റ് ട്യൂ​ബു​ക​ളും സം​യോ​ജി​പ്പി​ച്ചുള്ള ഇ​തിന്റെ നിർ​മ്മാണ ചെ​ല​വ് 2200 രൂ​പ മാ​ത്രമാണ്. ടൈ​മർ സർ​ക്യൂ​ട്ട്, അൾ​ട്രാ​വ​യ​ല​റ്റ് ട്യൂ​ബ്, ഇൻ​ഡി​ക്കേ​ഷൻ ലാ​മ്പ് എ​ന്നി​വ​യാ​ണ് ഇ​തി​ന്റെ ഭാഗങ്ങൾ. അ​ലുമി​നി​യം സെ​ക്ഷ​നി​ൽ പാർ​ട്ടി​ഷൻ ഷീ​റ്റുള്ള പ്ര​ത്യേ​ക ട്രേ​യി​ലാ​ണ് അ​ണു​വി​മു​ക്ത​മാ​ക്കാ​നു​ള്ള സാധനങ്ങൾ വ​യ്​ക്കു​ന്ന​ത്. 60 സെ​ക്കൻഡ് സമയം അൾ​ട്രാ​വ​യ​ല​റ്റ് ര​ശ്​മി​കൾ ക​ട​ത്തി വി​ടും. അത് ക​ഴി​യു​മ്പോൾ ഓ​ട്ടോ​മാ​റ്റി​ക്കാ​യി ട്രേ തു​റ​ക്കും. തു​ടർ​ന്ന് സാ​ധ​ന​ങ്ങൾ പു​റ​ത്തെ​ടു​ത്ത് ഉ​ട​മ​സ്ഥർ​ക്ക് ന​ൽ​കും. ആ​ശു​പ​ത്രി​യി​ൽ ഹാൻ​ഡ്‌​വാ​ഷ് കൗ​ണ്ടറി​ന് സ​മീ​പ​മാ​ണ് 'മൊ​ബി​ട്ടൈ​സർ' സ്ഥാ​പി​ച്ചി​രി​ക്കു​ന്ന​ത്. ആ​ശു​പ​ത്രി​യി​ലെ​ത്തു​ന്ന രോ​ഗി​കൾ​ക്കും കൂ​ട്ടി​രി​പ്പു​കാർ​ക്കും സേ​വ​നം സൗ​ജ​ന്യ​മാ​ണ്. ഇ​ന്ത്യ​യി​ൽ ത​ന്നെ ആ​ദ്യ​സം​രം​ഭ​മാ​ണി​ത്. കൊ​വി​ഡി​ന്റെ പ​ശ്ചാ​ത്ത​ല​ത്തി​ൽ ഓ​ട്ടോ​മാ​റ്റി​ക്കാ​യി പ്ര​വർ​ത്തി​ക്കു​ന്ന ഹാൻ​ഡ് വാ​ഷും സോ​പ്പ് ഡി​ഷും, എൻ​ഡോ​സ്‌​കോ​പ്പി ഷീ​ൽ​ഡ്, ഇന്റ​ബേ​ഷൻ ഷീ​ൽ​ഡ്, ക്ലോ​ത്ത് പി.പി.ഇ., ഒ.എച്ച്.പി ഫേ​സ് മാ​സ്​ക് തു​ട​ങ്ങീ വൈ​റ​സ് പ്ര​തി​രോ​ധ സം​വി​ധാ​ന​ങ്ങൾ സം​സ്ഥാ​ന​ത്ത് ആ​ദ്യം സ്വ​ന്തം നി​ല​യി​ൽ നിർ​മ്മി​ച്ച എൻ.എ​സ് ആ​ശു​പ​ത്രി​യാണ്.
'മൊ​ബി​ട്ടൈ​സറി​ന്റെ സാ​ങ്കേ​തി​ക വി​ദ്യ ആർ​ക്കും കൈ​മാ​റാൻ ത​യ്യാ​റാ​ണെ​ന്നും പൊ​തു​സ്ഥ​ല​ങ്ങൾ, ഓ​ഫീ​സു​കൾ എ​ന്നി​വി​ട​ങ്ങ​ളി​ൽ ചെ​ല​വ്​കു​റ​ഞ്ഞ ഈ രീ​തി ഒ​രു​ക്കു​ന്ന​തോ​ടെ വൈ​റ​സ് വ്യാ​പ​നം ത​ട​യാനാകുമെന്നും ആ​ശു​പ​ത്രി വൃ​ത്ത​ങ്ങൾ അ​റി​യി​ച്ചു.