31 ദിവസങ്ങള്‍ക്ക് ശേഷം വീട്ടില്‍ നിന്നും പുറത്തിറങ്ങിയതിന്റെ സന്തോഷം പങ്കുവയ്‌ക്കുകയാണ് നടി മംമ്ത മോഹന്‍ദാസ്. ലോക്ക് ഡൗണില്‍ വീട്ടിനുള്ളില്‍ തന്നെയായിരുന്ന മംമ്ത. ഒരുമാസം കഴിഞ്ഞ് പുറത്തിറങ്ങിയ വീഡിയോ താരം ഇന്‍സ്റ്റഗ്രാം വഴി പങ്കുവെച്ചിട്ടുണ്ട്. ഒന്ന് ശുദ്ധവായു കിട്ടാനാണ് താന്‍ പുറത്തിറങ്ങിയതെന്ന് അവർ പറയുന്നു.
തന്റെ മുന്നില്‍ കാണുന്നതില്‍ എന്താണ് യാഥാര്‍ഥ്യം എന്നുപോലും മനസ്സിലാവുന്നില്ലെന്നും നടി പറയുന്നുണ്ട്. മുന്നില്‍ കാണുന്ന റോഡ്, കെട്ടിടങ്ങള്‍ ഇവയൊക്കെ മഹാത്ഭുതങ്ങളായാണ് നടി വിവരിക്കുന്നത്. ഹായ് ബില്‍ഡിങ്, ഹായ് ചുവന്ന വണ്ടി, ഗ്രോസറി സ്റ്റോര്‍ എന്നൊക്കെ പറയുമ്പോള്‍ മംമ്തയുടെ മുഖത്ത് അത്ഭുതമാണ്.
കഴിഞ്ഞ ദിവസം നിയന്ത്രണങ്ങളില്‍ ഇളവുകള്‍ പ്രഖ്യാപിച്ചിരുന്നെങ്കിലും മെയിന്‍ റോഡില്‍ ഇറങ്ങാതെ തന്റെ കാറില്‍ ഇരുന്നു കൊണ്ടാണ് മംമ്ത ഇതെല്ലാം ആസ്വദിച്ചത്. വിദേശത്തുനിന്ന് വന്നതിനാൽ 16 ദിവസം സെൽഫ് ക്വാറന്റൈനിലായിരുന്നു മംമ്ത. കൊവിഡ് പ്രതിരോധത്തിനുള്ള ബോധവത്കരണ വീഡിയോയും സന്ദേശങ്ങളും സോഷ്യൽ മീഡിയയിലൂടെ മംമ്ത പങ്കുവച്ചിരുന്നു..