കൊല്ലം: വാ​ട​ക​യ്​ക്ക് വീ​ടെ​ടു​ത്ത് ചാ​രാ​യം വാ​റ്റി വില്പ​ന ന​ട​ത്തി​വ​ന്ന എൻജി​നീയ​റിം​ഗ് വി​ദ്യാർ​ത്ഥി​യും കൂ​ട്ടാ​ളി​യും പി​ടി​യിൽ. പൂതക്കു​ളം ഈ​ഴം​വി​ള വി​ജ്ഞാ​ന​ പോ​ഷി​ണി ക്ല​ബി​നു സ​മീ​പ​ത്തെ വീ​ട്ടിൽ നി​ന്ന് ചൊവ്വാഴ്ച രാ​ത്രി​യാ​ണ് 90 ലി​റ്റ​റോ​ളം കോ​ട​യും വാ​റ്റ് ഉ​പ​ക​ര​ണ​ങ്ങ​ളും പി​ടി​കൂ​ടി​യ​ത്. സം​ഭ​വു​മാ​യി ബ​ന്ധ​പ്പെ​ട്ട് ഇ​ട​വ ഹ​സിം മൻ​സി​ലിൽ നൗ​ഫൽ (21), ഇ​യാ​ളു​ടെ കൂ​ട്ടാ​ളി ഇ​ട​വ പാ​ല​വി​ള വീ​ട്ടിൽ സ​ത്യ​ബാ​ബു (54) എ​ന്നി​വ​രാണ് അ​റ​സ്റ്റി​ലാ​യത്. നൗ​ഫ​ലും കു​ടും​ബ​വും മൂ​ന്ന് ആ​ഴ്​ച​യാ​യി ഇവിടെ വാ​ട​ക​യ്​ക്ക് താ​മ​സി​ച്ച് വ​രി​ക​യാ​യി​രു​ന്നു. ഇ​വി​ടെ തയ്യാറാക്കുന്ന വ്യാജമ​ദ്യം സ​ത്യബാ​ബു വർക്ക​ല​യി​ലും പ​രി​സ​ര​പ്ര​ദേ​ശ​ങ്ങ​ളി​ലും ആ​വ​ശ്യ​ക്കാർ​ക്ക് എ​ത്തി​ച്ച് നൽകുകയായിരുന്നു.

ഊ​ന്നിൻ മൂ​ട്, പൂ​ത​ക്കു​ളം മേ​ഖ​ല​യി​ൽ വ്യാപകമായി വ്യാ​ജ​മ​ദ്യം ല​ഭി​ക്കു​ന്നു​ണ്ടെ​ന്ന് കൊ​ല്ലം ക​മ്മിഷ​ണർ​ക്ക് ല​ഭി​ച്ച പ​രാ​തി​യെ തു​ടർ​ന്ന് ചാ​ത്ത​ന്നൂർ എ.സി.പി​യു​ടെ നിർ​ദ്ദേ​ശ പ്രകാരം പ​ര​വൂർ സി.ഐ ന​ട​ത്തി​യ അ​ന്വേ​ഷ​ണ​ത്തി​ലാ​ണ് വീ​ട്ടിൽ നി​ന്ന് കോടയും വാറ്റുപകരണങ്ങളും കണ്ടെടുക്കുകയും നൗഫൽ പിടിയിലായതും. ഇ​യാ​ളെ ചോ​ദ്യം ചെ​യ്​ത​തിൽ നി​ന്നാണ് കൂ​ട്ടാ​ളി​യാ​യ സ​ത്യ​ബാ​ബു​വി​ന്റെ പേ​ര് ല​ഭ്യ​മാ​യ​ത്. രാ​ത്രി ത​ന്നെ ഇ​ട​വ​യി​ലെ വീ​ട്ടിൽ ചെ​ന്ന് പൊലീസ് സ​ത്യ​ബാ​ബു​വി​നെ അ​റ​സ്റ്റ് ചെയ്യുകയായിരുന്നു.