സൽമാൻഖാന്റെ വിവാഹം എന്നും ബോളിവുഡിലെ അവസാനമില്ലാത്ത ചർച്ചയാണ്.എപ്പോഴും പ്രണയ വാർത്തകളിൽ നിറഞ്ഞു നിൽക്കുന്ന താരവുമാണ് സൽമാൻ. ഐശ്വര്യറായി, കത്രീന കെയ്ഫ് എന്നിവരുടെ പേരുകൾ സൽമാനെ എന്നും ഗോസിപ്പുകോളങ്ങളിൽ നിറുത്തി. എന്നാൽ വിവാഹത്തിന് ക്ഷണക്കത്ത് വിതരണം വരെ എത്തി മുടങ്ങിപ്പോയ ഒരു പ്രണയമുണ്ടായിരുന്നു സൽമാന്. ഇതാ ഈ സാഹചര്യത്തിൽ സൽമാന്റെ ആ മുടങ്ങിയ വിവാഹം സോഷ്യൽ മീഡിയയിൽ വീണ്ടും ചർച്ചയാകുകയാണ്. നീണ്ട പത്തു വർഷത്തെ പ്രണയമായിരുന്നു സൽമാൻ ഖാനും നടി സംഗീത ബിജ്‌ലാനിയും തമ്മിൽ.
വിവാഹ തീയതി വരെ നിശ്ചയിച്ച ഈ പ്രണയ ബന്ധം അവസാനിച്ചത് വലിയ ചർച്ചയായിരുന്നു. സൽമാൻ ഖാൻ ഇതുവരെ വിവാഹം ചെയ്യാതിരിക്കുന്നത് കൊണ്ട് ഈ പ്രണയകഥ ഇന്നും ആരാധകർക്കിടയിൽ ചർച്ചയാണ്.
ദീർഘനാൾ പ്രണയിച്ചതിന് ശേഷം സൽമാനും സംഗീതയും വിവാഹം കഴിക്കാൻ തീരുമാനിച്ചു. വിവാഹ തീയതി നിശ്ചയിക്കുകയും കല്യാണ കത്ത് വരെ തയ്യാറാക്കുകയും ചെയ്തു. എന്നാൽ തന്റെ സുഹൃത്ത് സോമി അലിയുമായി സൽമാന് ബന്ധമുണ്ടെന്ന് സംശയിച്ച് സംഗീത വിവാഹത്തിൽ നിന്ന് പിൻമാറിയത്രേ.
സൽമാനിൽ നിന്ന് വേർപിരിഞ്ഞ സംഗീത പിന്നീട് ഇന്ത്യൻ ക്രിക്കറ്റ് താരം മുഹമ്മദ് അസറുദ്ദീനെ വിവാഹം കഴിച്ചുവെങ്കിലും ആ ബന്ധവും നീണ്ടുപോയില്ല. 2010ൽ ഇരുവരും വിവാഹമോചിതരായി.
ഈ അടുത്ത സമയത്ത് നല്‍കിയ ഒരു അഭിമുഖത്തിൽ വിവാഹത്തിൽ താൻ വിശ്വസിക്കുന്നില്ലെന്ന് സൽമാൻ തുറന്നു പറഞ്ഞു.' ഞാൻ വിവാഹത്തിൽ വിശ്വസിക്കുന്നില്ല. നശിച്ചുകൊണ്ടിരിക്കുന്ന സമ്പ്രദായമാണത്. എന്നാൽ ജീവിതത്തിൽ ഒരു കൂട്ടുവേണം. അത്രമാത്രം'- സൽമാൻ പറയുന്നു.
ഏറ്റവും കൂടുതൽ ചർച്ച ചെയ്യപ്പെട്ട ബന്ധമായിരുന്നു സൽമാനും ഐശ്വര്യയും തമ്മിലുള്ള പ്രണയം. 2002ൽ അത് വേർപിരിഞ്ഞു.. റൊമാനിയക്കാരിയായ മോഡൽ ലൂലിയ വാൻച്വറിനെ സൽമാൻ വിവാഹം കഴിക്കാൻപോകുന്നുവെന്ന് ഒരു കാലത്ത് പ്രചാരണങ്ങളുണ്ടായിരുന്നു..