കൊ​ല്ലം: കു​ള​ത്തൂ​പ്പു​ഴ​യിൽ ര​ണ്ടുപോർക്ക് കൊവിഡ് സ്ഥി​രീ​ക​രി​ച്ച​തോ​ടെ ജി​ല്ല​യു​ടെ കി​ഴ​ക്കൻ മേ​ഖ​ല​യിൽ അ​തീ​വ ജാ​ഗ്ര​ത​യ്​ക്ക് മ​ന്ത്രി​മാ​രാ​യ ജെ മേ​ഴ്‌​സി​ക്കു​ട്ടി​അ​മ്മ​യും കെ. രാ​ജു​വും നിർ​ദ്ദേ​ശം നൽ​കി
കോ​വി​ഡ്- വ്യാ​പ​നം ത​ട​യാൻ പ​ഴു​ത​ട​ച്ച നി​യ​ന്ത്ര​ണം സ്വീ​ക​രി​ക്കണമെന്ന് കള​ക്‌​ടറേറ്റിൽ ന​ട​ന്ന അ​വ​ലോ​ക​ന​ത്തിൽ ഇ​രു​വ​രും പ​റ​ഞ്ഞു. അ​തിർ​ത്തി ക​ട​ന്ന് ച​ര​ക്ക് വാ​ഹ​ന​ങ്ങ​ളി​ലും മ​റ്റും അ​ന്യ​സം​സ്ഥാ​ന​ങ്ങ​ളിൽ നി​ന്നു​ള്ള​വർ വ​രു​ന്ന​ത് ത​ട​യ​ണം. വ​നപാ​ത​കൾ പൂർ​ണ​മാ​യും അ​ട​ച്ച് നി​രീ​ക്ഷ​ണം ശ​ക്തി​പ്പെ​ടു​ത്ത​ണം. അ​ത്യാ​വ​ശ്യ ഘ​ട്ട​ത്തി​ല​ല്ലാ​തെ വീ​ടു​ക​ളിൽ നി​ന്ന് ആ​ളു​കൾ പു​റ​ത്തി​റ​ങ്ങ​രു​ത്. രോ​ഗി​ക​ളു​മാ​യി സ​മ്പർ​ക്കം പു​ലർ​ത്തി​യ​വ​രെ​യും സ​ഞ്ചാ​ര​പ​ഥ​ത്തിൽ വ​ന്ന​വ​രെ​യും കൃ​ത്യ​മാ​യി ക​ണ്ടെ​ത്തി കൊ​വി​ഡ് പ്രോ​ട്ടോ​ക്കോൾ പ്ര​കാ​രം പ്ര​തി​രോ​ധ ന​ട​പ​ടി സ്വീ​ക​രി​ക്ക​ണം. നി​രോ​ധ​നാ​ജ്ഞ നി​ല​വി​ലു​ള്ള കു​ള​ത്തൂ​പ്പു​ഴ, തെന്മല, ആ​ര്യ​ങ്കാ​വ് ഗ്രാ​മ​പ​ഞ്ചാ​യ​ത്തു​ക​ളിൽ യാ​തൊ​രു​വി​ധ ഇ​ള​വു​ക​ളും ഉ​ണ്ടാ​കില്ല. ജി​ല്ല​യി​ലെ ഹോ​ട്ട് സ്‌​പോ​ട്ടു​ക​ളി​ലും ലോ​ക്ക് ഡൗൺ ഇ​ള​വു​കൾ അ​നു​വ​ദി​ക്കാ​തെ കർ​ശ​ന നി​യ​ന്ത്ര​ണം പു​ലർ​ത്ത​ണ​മെ​ന്ന് മ​ന്ത്രി​മാർ പ​റ​ഞ്ഞു. ജി​ല്ല​യി​ലെ കോ​വി​ഡ് നി​യ്ര​ന്ത്ര​ണ ന​ട​പ​ടി​കൾ ജി​ല്ലാ ക​ളക്ടർ ബി. അ​ബ്ദുൽ നാ​സർ വി​ശ​ദീ​ക​രി​ച്ചു.
മ​ന്ത്രി ജെ. മേ​ഴ്‌​സി​ക്കു​ട്ടി​അ​മ്മ, എം.പി മാരായ എൻ.കെ. പ്രേ​മ​ച​ന്ദ്രൻ, കെ. സോ​മ​പ്ര​സാ​ദ്, എം. മു​കേ​ഷ് എം.എൽ.എ, സി​റ്റി പൊ​ലീ​സ് ക​മ്മി​ഷ​ണർ ടി. നാ​രാ​യ​ണൻ, എ.ഡി.എം പി.ആർ.ഗോ​പാ​ല​കൃ​ഷ്​ണൻ എ​ന്നി​വർ അ​വ​ലോ​ക​ന യോ​ഗ​ത്തി​ന് ക​ള​ക്‌​ടറേറ്റിൽ എ​ത്തി​യി​രു​ന്നു. മ​ന്ത്രി കെ. രാ​ജു, എ.എം. ആ​രി​ഫ് എം.പി, എം.എൽ.എ മാ​രാ​യ മു​ല്ല​ക്ക​ര ര​ത്‌​നാ​ക​രൻ, കെ.ബി. ഗ​ണേ​ഷ്​കു​മാർ, കോ​വൂർ കു​ഞ്ഞു​മോൻ, പി. ഐ​ഷാ പോ​റ്റി, എം. നൗ​ഷാ​ദ്, ആർ. രാ​മ​ച​ന്ദ്രൻ, മേ​യർ ഹ​ണി ബ​ഞ്ച​മിൻ, ജി​ല്ലാ പ​ഞ്ചാ​യ​ത്ത് പ്ര​സി​ഡന്റ് സി. രാ​ധാ​മ​ണി തു​ട​ങ്ങി​യ​വർ വീ​ഡി​യോ കോൺ​ഫ​റൻ​സിം​ഗി​ലൂ​ടെ​യും പ​ങ്കെ​ടു​ത്തു.