കൊല്ലം: ജില്ലയിൽ ഓറഞ്ച് സോണിൽ ഉൾപ്പെട്ട പ്രദേശങ്ങളിൽ ഇന്ന് മുതൽ ലോക്ക് ഡൗൺ ഇളവുകൾ പ്രാബല്യത്തിൽ വരും. ഹോട്ട് സ്‌​പോട്ടായി പ്രഖ്യാപിച്ച മേഖലകളിൽ ഈ ഇളവുകൾ ബാധകമല്ല. എല്ലാ കർശന നിയന്ത്റണവും തുടരും.

# ഭിന്നശേഷിക്കാർ, മുതിർന്ന പൗരന്മാർ, സ്ത്രീകൾ, വിധവകൾ എന്നിവർക്കുള്ള അഭയകേന്ദ്രങ്ങൾ, കുട്ടികൾക്കുള്ള കെയർ ഹോമുകൾ തുറന്ന് പ്രവർത്തിക്കാം.
# പ്രായമായവർ, വിധവകൾ, സ്വാതന്ത്റ്യസമര സേനാനികൾ എന്നിവരുടെ സാമൂഹ്യ സുരക്ഷാ പെൻഷനുകൾ, പി.എഫ് എന്നിവ വിതരണം നടത്താം.
# അങ്കണവാടികളിൽ 15 ദിവസത്തിലൊരിക്കൽ സ്ത്രീകൾക്കും കുട്ടികൾക്കും മുലയൂട്ടുന്ന അമ്മമാർക്കും ഭക്ഷണം വീടുകളിൽ എത്തിച്ചു നൽകണം. എന്നാൽ അങ്കണവാടികൾ തുറന്നു പ്രവർത്തിക്കാൻ പാടില്ല.
# തൊഴിലുറപ്പ് തൊഴിലാളികൾ നിർബ്ബന്ധമായും മുഖാവരണം ധരിക്കണം, സാമൂഹിക അകലം പാലിക്കണം.
# കനാൽ ശുചീകരണം, കുടിവെള്ള സംരക്ഷണം എന്നിവയ്ക്കായുള്ള ജോലികൾക്ക് മുൻഗണന നൽകണം.
# അഞ്ചിൽ കൂടുതൽ ആളുകൾ ഒരുമിച്ച് ജോലി ചെയ്യാൻ പാടില്ല.

പൊതുവായവ

# എണ്ണ, പാചകവാതകം തുടങ്ങിയവയുടെ വിതരണം, വൈദ്യുതിയുമായി ബന്ധപ്പെട്ട ഉത്പാദനത്തിനും വിതരണത്തിനും തടസമുണ്ടാകില്ല.

# പോസ്​റ്റൽ സർവീസുകൾക്ക് പ്രവർത്തിക്കാം.
# തദ്ദേശ സ്വയംഭരണ സ്ഥാപനങ്ങളുടെയും, അംഗീകൃത ഏജൻസികളും നടത്തുന്ന ജലവിതരണം, ശുചീകരണ പ്രവർത്തനങ്ങൾ, മാലിന്യ സംസ്​കരണം എന്നിവക്ക് തടസമില്ല.
# ടെലികമ്മ്യൂണിക്കേഷൻ ഇന്റർനെ​റ്റ് സർവീസുകൾക്ക് തടസമില്ല.
# അക്ഷയ കേന്ദ്രങ്ങൾ തുറക്കാം.
# ചരക്കു ഗതാഗതം അനുവദിക്കും
# കൊറിയർ സർവീസുകൾക്ക് പ്രവർത്തിക്കാം.
# വർക്ക് ഷോപ്പുകൾ, ഇലക്ട്രിക്കൽ, ഇലക്‌​ട്രോണിക് ഉപകരണങ്ങളുടെയും മെഷിനറികളുടെയും റിപ്പെയറിംഗ് ഷോപ്പുകൾക്കും പ്രവർത്തിക്കാം.

നിർമ്മാണ മേഖല

 റോഡ്, കനാൽ, കെട്ടിട നിർമാണം, ജലസേചന പദ്ധതികൾ, എന്നിവ അനുവദനീയമാണ്.
 തൊഴിലാളികൾ സാമൂഹിക അകലം പാലിക്കണം. പനി, ചുമ, മ​റ്റ് അസ്വസ്ഥതകളുള്ളവർ ജോലി ചെയ്യാൻ പാടില്ല.
 ചുരുങ്ങിയ എണ്ണം തൊഴിലാളികളെ മാത്രമേ പങ്കെടുപ്പിക്കാവൂ.

വാഹനയാത്ര

 സ്വകാര്യ വാഹനങ്ങൾ അവശ്യ സേവനത്തിനും സാധനങ്ങൾക്കും വേണ്ടി മാത്രം നിയന്ത്റിതമായി പുറത്തിറക്കാം.

 തിങ്കൾ, ബുധൻ, വെള്ളി ദിവസങ്ങളിൽ ഒ​റ്റ സംഖ്യയിൽ നമ്പർ അവസാനിക്കുന്ന വാഹനങ്ങൾക്കും ചൊവ്വ, വ്യാഴം, ശനി ദിവസങ്ങളിൽ പൂജ്യം, ഇരട്ട സംഖ്യയിൽ നമ്പർ അവസാനിക്കുന്ന സ്വകാര്യ വാഹനങ്ങൾക്കും പുറത്തിറക്കാം.

 സ്ത്രീകൾ ഓടിക്കുന്ന വാഹനങ്ങൾക്ക് ഈ നിയന്ത്റണമില്ല.

 കാരണമില്ലാതെ ജില്ലാ അതിർത്തിക്ക് പുറത്തേക്ക് പോകാനാവില്ല.
 നാലു ചക്രവാഹനങ്ങളിൽ ഡ്രൈവർ ഉൾപ്പടെ മൂന്നുപേർക്കും ഇരുചക്ര വാഹനങ്ങളിൽ ഒരാൾക്കും മാത്രമാണ് യാത്ര.
 യാത്രക്കാർ മാസ്​കുകൾ നിർബന്ധമായും ധരിക്കണം.

 പൊതുഗതാഗതം അനുവദിക്കില്ല

സർക്കാർ സ്ഥാപനങ്ങൾ

ആഴ്ചയിൽ അഞ്ചുദിവസം

ആരോഗ്യം, പൊലീസ്, ഹോം ഗാർഡ്, സിവിൽ ഡിഫൻസ്, ഫയർ ആൻഡ് റ് എമർജൻസി, ദുരന്ത നിവാരണം, ജയിൽ, ലീഗൽ മെട്രോളജി, മുനിസിപ്പാലി​റ്റി, പഞ്ചായത്ത് എന്നിവ നിയന്ത്റണമില്ലാതെ പ്രവർത്തിക്കും. മ​റ്റ് വകുപ്പുകൾ നിയന്ത്റിത സ്​റ്റാഫുകളുമായി പ്രവർത്തിക്കും. ജില്ലാ ഭരണകൂടം, ട്രഷറി, അക്കൗണ്ടന്റ് ജനറലുകളുടെ ഫീൽഡ് ഓഫീസുകൾ എന്നിവ പൂർണമായി പ്രവർത്തിക്കും. മ​റ്റ് വകുപ്പുകൾ നിയന്ത്റിത സ്​റ്റാഫുകളുമായി പ്രവർത്തിക്കും. ഫോറസ്​റ്റ് ഓഫീസുകൾ, മൃഗശാല, നഴ്‌​സറികൾ, വന്യജീവി സങ്കേതങ്ങൾ പട്രോളിംഗ് തുടങ്ങിയവയ്ക്ക് അനുമതിയുണ്ട്. മുഴുവൻ സർക്കാർ സ്ഥാപനങ്ങളും ആഴ്ചയിൽ അഞ്ചു ദിവസം പ്രവർത്തിക്കും. ഹോട്ടലുകളിൽ നിന്ന് പാർസൽ നൽകാം. ഓൺലൈൻ ഭക്ഷണവിതരണം രാത്രി എട്ടു വരെ. രാഷ്ട്രീയ, സാമൂഹ്യ, കായിക, വിനോദ, പഠന സാംസ്​കാരിക മത ചടങ്ങുകളും ജനങ്ങൾ ഒത്തുകൂടുന്ന മ​റ്റ് പരിപാടികളും ഒഴിവാക്കണം. ആരാധനാലയങ്ങൾ അടച്ചിടും. വിവാഹം, മരണാനന്തര ചടങ്ങുകൾ എന്നിവയിൽ 20 ലധികം ആളുകൾ ഉണ്ടാകാൻ പാടില്ല. ബാർബർ ഷോപ്പുകൾ അടച്ചിടും.