കൊവിഡിന്റെ വരവോടെ പ്രതിസന്ധിയിൽ ആയ മേഖലകളിൽ ഒന്നാണ് ഫാഷൻ വിപണി. വേനൽക്കാലമെത്തുന്നതോടെ നിരവധി സമ്മ‍ർ കളക്ഷനുകളും ഡിസൈനുകളും ഒക്കെ വിപണിയിൽ എത്തേണ്ട സമയമാണിത് . എന്നാൽ വൈറസ് ബാധയും ലോക്ക് ഡൗണും എല്ലാം ഫാഷൻ രംഗത്തെ തകർച്ചയിലാക്കി. എന്നാൽ ഫാഷൻ രംഗത്ത് പേരുകേട്ട വൻകിട കമ്പനികൾ എല്ലാം മാസ്ക്ക് നിർമാണത്തിൽ ആണ് ഇപ്പോൾ.പരുത്തി വസ്ത്രങ്ങളുടെ ഡിമാൻഡും കുത്തനെ ഇടിഞ്ഞിട്ടുണ്ട്. ലോകമെമ്പാടുമുള്ള നെയ്ത്തുകാരും കടുത്ത പ്രതിസന്ധി നേരിടുകയാണ്.

ചൈന, വിയറ്റ്നാം, പാകിസ്ഥാൻ എന്നിവിടങ്ങളിലെ തുണിമില്ലുകൾ അടച്ചിട്ടതും പ്രതിസന്ധിയ്ക്ക് ആഴം കൂട്ടി. ഇപ്പോൾ ലീ കൂപ്പർ ഉൾപ്പെടെയുള്ള വൻകിട കമ്പനികളെല്ലാം മാസ്ക്കുകൾ പുറത്തിറക്കാനുള്ള തയ്യാറെടുപ്പിലാണ് ഇപ്പോൾ. അമേരിക്കൻ ജയന്റ് ,​ ലോ ഒഫ് മോഷൻ,​ അണ്ടർ ആമർ തുടങ്ങിയ കമ്പനികളും മാസ്ക്ക് നിർമാണത്തിൽ കൂടുതൽ ശ്രദ്ധ കേന്ദ്രീകരിയ്ക്കുകയാണിപ്പോൾ.