കൊല്ലം: കുടിവെള്ള വിതരണത്തിനിടെ പിക് അപ്‌ വാഹനത്തിലെ കുടിവെള്ള സംഭരണ ടാങ്ക് പൊട്ടി, വൻ അപകടം ഒഴിവായി. എഴുകോൺ കൊള്ളന്നൂരിൽ വച്ചായിരുന്നു സംഭവം. കുമാർ ബങ്കേഴ് ഭാഗത്ത് കുടിവെള്ള വിതരണം നടത്തിയ ശേഷം കോളനിയിലേക്ക് പോക്കുന്ന വഴിയായിരുന്നു അപകടം. വാഹനം കയറ്റം കയറുന്നതിനിടെ 5000 ലിറ്ററിന്റെ സംഭരണ ടാങ്ക് പുറകിലോട്ട്‌ നീങ്ങി. ഭാരം പുറകിലായത്തിനെ തുടർന്ന് മുൻവശം കൊണ്ട് വാഹനം പൊങ്ങുകയും ടാങ്ക് വെളിയിലോട്ട്‌ വീഴാൻ തുടങ്ങുകയും ചെയ്തു. പത്ത് മിനിറ്റോളം വാഹനം മുൻവശം ഉയർന്ന് നിന്നതായി നാട്ടുകാർ പറഞ്ഞു.
ഈ സമയം ഡ്രൈവറും സഹായിയും വാഹനത്തിന്റെ ഉള്ളിൽ തന്നെ ആയിരുന്നു. ബന്ധിച്ചിരുന്ന കയർ മുറുകിയത്തോടെ ടാങ്ക് ഉഗ്ര ശബ്ദത്തോടെ പൊട്ടി പൊട്ടി വെള്ളം ഒഴുകി പോയി. പുറകിലെ ഭാരം ഒഴിഞ്ഞപ്പൊഴാണ് വാഹനം പൂർവ സ്ഥിതിയിൽ എത്തിയത്. ടാങ്ക് പൊട്ടിയില്ലായിരുന്നെങ്കിൽ വാഹനം കീഴ്മേൽ മറിഞ്ഞ് വൻ ദുരന്തം സംഭവിയ്ക്കുമായിരുന്നു. എഴുകോൺ ഗ്രാമപഞ്ചായത്ത് ഏർപ്പെടുത്തിയ കുടിവെള്ള വിതരണ സംവിധാനമായിരുന്നു.