തൃശൂർ: ജില്ലയിൽ ആദ്യദിനം സൗജന്യ റേഷൻ കൈപ്പറ്റിയത് 1.28 ലക്ഷം പേർ. ജില്ലയിൽ ആകെയുള്ളത് 8.39 ലക്ഷം കാർഡുടമകളിൽ 128545 പേരാണ് ആദ്യ ദിവസം കൈപ്പപറ്റിയത്. 15.25 ശതമാനം പേർ സർക്കാർ നിർദ്ദേശിച്ച സുരക്ഷാ പ്രോട്ടോക്കോൾ പാലിച്ചാണ് റേഷൻ കൈപ്പറ്റിയത്. വിലക്കയറ്റം തടയുന്നതിന് ഭക്ഷ്യപൊതുവിതരണ വകുപ്പ് നടത്തുന്ന പൊതുവിപണി പരിശോധന തുടരുകയാണ്. ഇന്നലെ 23 പലചരക്ക് കടക്കളിലും 31 പച്ചക്കറിക്കടക്കളിലും വകുപ്പ് പരിശോധന നടത്തി. ഇതിൽ 13 ക്രമക്കേടുകൾ കണ്ടെത്തിയതായി ജില്ലാ സപ്ലൈ ഓഫീസർ അറിയിച്ചു.