മ​നു​ഷ്യ​ൻ​ ​ഒ​രു​ ​സാ​മൂ​ഹി​ക​ ​ജീ​വി​യാ​ണ്.​ ​കൂ​ട്ടം​ ​ചേ​ർ​ന്ന് ​ജീ​വി​ക്കാ​ൻ​ ​ഇ​ഷ്ട​പ്പെ​ടു​ന്ന​ ​ജീ​വി.​ ​അ​തി​നാ​ൽ​ ​ലോ​ക്ക് ​ഡൗ​ണി​ൽ​ ​നി​ഷ്‌​ക്രി​യ​മാ​യി​ ​ഇ​രി​ക്കു​ന്ന​ ​അ​വ​സ്ഥ​ ​ന​മ്മെ​ ​ഉ​ത്ക​ണ്ഠാ​കു​ല​രാ​ക്കി​യേ​ക്കും.​ ​അ​തി​ജീ​വി​ക്കാ​ൻ​ ​നി​ഷ്‌​ക്രി​യ​ത്വ​ത്തി​ൽ​ ​നി​ന്നും​ ​തി​ര​ക്കു​ള്ള​വ​രാ​യി​ ​നാം​ ​മാ​റ​ണ​മെ​ന്ന് ​മ​ന​ശാ​സ്ത്ര​ ​വി​ദ​ഗ്ദ്ധ​ർ​ ​പ​റ​യു​ന്നു.​ ​എ​ങ്ങ​നെ​ ​?.​ ​ഉ​റ​ങ്ങും​ ​മു​ത​ൽ​ ​ഉ​ണ​രും​ ​വ​രെ​യു​ള്ള​ ​സ​മ​യം​ ​കൃ​ത്യ​മാ​യി​ ​വി​ഭ​ജി​ച്ച് ​ഉ​പ​യോ​ഗി​ക്കു​ക.​ ​ഇ​ട​വേ​ള​ക​ളി​ലെ​ ​ഭ​ക്ഷ​ണം​ ​ക​ഴി​ക്ക​ൽ,​ ​ഉ​റ​ക്കം,​ ​ഉ​ണ​ര​ൽ,​ ​വ്യാ​യാ​മം,​ ​സാ​മൂ​ഹി​ക​ബ​ന്ധം​ ​നി​ല​നി​റു​ത്ത​ൽ​ ​തു​ട​ങ്ങി​യ​ ​എ​ല്ലാ​ ​കാ​ര്യ​ങ്ങ​ൾ​ക്കും​ ​സ​മ​യം​ ​നി​ശ്ച​യി​ക്കു​ക.​ ​ഷെ​ഡ്യൂ​ളി​ൽ​ ​കു​ട്ടി​ക​ൾ,​ ​ഭ​ർ​ത്താ​വ്,​ ​ഭാ​ര്യ​ ​എ​ന്നി​വ​രെ​ ​കൂ​ട്ടാ​യ​ ​പ​ങ്കാ​ളി​ക​ളാ​ക്കി​ ​ഫാ​മി​ലി​ ​ഷെ​ഡ്യൂ​ളും​ ​കു​ടും​ബാം​ഗ​ങ്ങ​ൾ​ക്കാ​യി​ ​പ്ര​ത്യേ​കം​ ​പ്ര​ത്യേ​കം​ ​ഷെ​ഡ്യൂ​ളും​ ​ത​യ്യാ​റാ​ക്കാം.​ ​ഇതിനായി ​ ​പ​രി​ഗ​ണി​ക്കേ​ണ്ട​ ​ആ​റ് ​വി​ഷ​യ​ങ്ങ​ളു​ണ്ട്.

1. സ്വയം അറിയുക

വ്യക്തിപരമായി തയ്യാറാക്കുമ്പോൾ നമ്മുടെ താൽപ്പര്യങ്ങൾക്ക് കൂടി പ്രാധാന്യം നൽകുന്ന ലിസ്റ്റ് തയ്യാറാക്കുക. പണ്ട് നമുക്ക് ഇഷ്ടപ്പെട്ടിരുന്ന പല കാര്യങ്ങൾക്കും (നൃത്തം, എഴുത്ത്, പാചകം, ക്രാഫ്റ്റ്, തുന്നൽ, യോഗ) ലിസ്റ്റിൽ ഇടം കൊടുക്കുക. അടുക്കളയിലെ ജോലി, വിനോദം, അറിവ് എന്ന രീതിയിലും ദിവസത്തെ ക്രമപ്പെടുത്തുക.

2. പെരുമാറ്റത്തിൽ അലിവും കരുണയും

കടുത്തകാലമാണിത്. നമ്മുടെ സ്വഭാവത്തിലും അത് പ്രതിഫലിക്കും എന്ന സ്വയം കരുതൽ വേണം. മറ്റുള്ളവരോടുള്ള പെരുമാറ്റത്തിൽ കൂടുതൽ അലിവും കരുണയും കാണിക്കേണ്ട കാലമാണ്. പ്രത്യേകിച്ച് സ്ത്രീകളോടും കുട്ടികളോടും വയസായവരോടും.

4. ബന്ധങ്ങളെ കരുതുക

സാമൂഹികമായി അകലം പാലിക്കുകയാണ് നമ്മൾ. പക്ഷേ സാമൂഹിക മാദ്ധ്യമങ്ങളുടെ കാലഘട്ടത്തിൽ ഒറ്റയ്ക്കാണെന്ന ബോധം മറികടക്കാൻ വാട്‌സ് ആപ്, ഫേസ് ബുക്ക് ഗ്രൂപ്പുകളിലൂടെ കഴിയും. ബന്ധുക്കളെ ഇടവേളകളിൽ ബന്ധപ്പെടുക. രസത്തിനായി മാത്രമല്ല ക്രിയാത്മക സംവാദങ്ങൾക്കും സർഗ്ഗാത്മക രചനകൾക്കും സാമൂഹിക മാദ്ധ്യമങ്ങളിൽ അവസരമുണ്ട്. ഏറിയ സമയവും ഇവ ഉപയോഗിക്കുന്നതും നന്നല്ല.

5. മനസ് എല്ലാറ്റിലും പ്രധാനം

വ്യക്തിപരമായും കുടുംബത്തിന്റെ മൊത്തത്തിലുള്ള അന്തരീക്ഷത്തിലും പ്രസന്നത പകരാനുള്ള പ്രവൃത്തികളും വിനോദങ്ങളും ഉൾപ്പെടുത്തുക. ടി.വി പ്രോഗ്രാമുകളിൽ മുതൽ കൂട്ടായി കളിക്കാവുന്ന കളികളിൽ വരെ കൂട്ടായ്മയ്ക്കാണ് പ്രാധാന്യം കൊടുക്കേണ്ടത്. റിഫ്രഷ് ചെയ്യാൻ യോഗയോ സംഗീതമോ നൃത്തമോ വ്യായാമമോ കൂട്ടായി ആസ്വദിക്കുകയോ ചെയ്യുകയോ ചെയ്യാം. ഇഷ്ടപ്പെടുന്ന കഥകൾ പരസ്പരം പറയാം. കുട്ടിക്കൊപ്പം പടം വരയ്ക്കാം. എന്തുമാകാം. നന്നായി ഉറങ്ങുക.

6. നന്നായി കഴിക്കുക

വിറ്റാമിൻ എ, ബി, സി, ഡി ആൻഡ് ഇ എന്നിവ അടങ്ങിയ ആഹാരം കഴിക്കുക. പച്ചക്കറികളും ഫലവർഗ്ഗങ്ങളും അടങ്ങിയ ഭക്ഷ്യ ഇനങ്ങൾക്ക് മുൻതൂക്കം നൽകുക. മാംസാഹാരം നല്ലവണ്ണം പാകം ചെയ്ത് കഴിക്കുക.

7. സർഗ്ഗാത്മകത/അറിവ്

കഴിഞ്ഞകാലത്തെ നിങ്ങളുടെ കഴിവുകളെ, സർഗ്ഗാത്മകതയെ ഈ ഒറ്റപ്പെട്ടുപോകുന്ന കാലത്തോട് തുന്നിച്ചേർക്കാം. പാചകം, വായന, പൂന്തോട്ട പരിപാലനം, കൃഷി തുടങ്ങി ഇഷ്ടപ്പെടുന്ന എന്തിനും സമയം കണ്ടെത്തുക. പുതുതായി ഓരോ ദിനവും എന്തെങ്കിലും പഠിക്കാൻ ശ്രമിക്കുക. അറിവിനും ഷെഡ്യൂളിൽ പ്രാധാന്യം കൊടുത്താൽ ഭാവിയിലേക്കും ഗുണം ചെയ്യും.