തൃശൂർ: കോവിഡ് 19നെ പ്രതിരോധിക്കുന്നതിനും സാമ്പത്തിക പ്രതിസന്ധിയെ നേരിടുന്നതിനുമായി സർക്കാരിന് പിന്തുണ നൽകി കേരള ലളിതകലാ അക്കാഡമി കലാകാരന്മാരിൽ നിന്നും ചിത്രങ്ങൾ, ശില്പങ്ങൾ സംഭാവനയായി സമാഹരിക്കുന്നു. വീടുകളിൽ കഴിയുന്ന കലാകാരന്മാർ ശേഖരത്തിൽ ഉള്ളതോ പുതുതായി രചിച്ചതോ ആയ ചിത്രം, ശില്പം അക്കാഡമിയെ ഏല്പിക്കണം. ചിത്രങ്ങളോടൊപ്പം ചിത്രകാരന്റെ പേര് വിലാസം, ഇ-മെയിൽ അഡ്രസ്സ്, ഫോൺ നമ്പർ, ബയോഡാറ്റ, ചിത്രത്തിന്റെ പേര്, മാധ്യമം, സൈസ്, നിർദ്ദേശിക്കുന്ന കുറഞ്ഞ വില എന്നിവ അടങ്ങിയ കുറിപ്പും ഉൾപ്പെടുത്തണം. സമാഹരിക്കുന്ന ചിത്രങ്ങളും ശില്പങ്ങളും വില്പന നടത്തി ലഭിക്കുന്ന തുക പൂർണ്ണമായി മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറും. ഏപ്രിൽ 25നകം സൃഷ്ടികൾ സമാഹരിക്കുന്നതിന് ഉതകും വിധം വിവരം അക്കാഡമിയെ അറിയിക്കണം. ബന്ധപ്പെടേണ്ട ഫോൺ നമ്പറുകൾ:

തിരുവനന്തപുരം, കൊല്ലം - നേമം പുഷ്പരാജ് (9447090334), കാരയ്ക്കായ്ക്കാ മണ്ഡപം വിജയകുമാർ (9447093202)
പത്തനംതിട്ട, ആലപ്പുഴ - ബാലുമുരളി കൃഷ്ണൻ (9961635575), കോട്ടയം, ഇടുക്കി - മനോജ് നാരായണൻ (9847370025)
എറണാകുളം - കെ.എ സോമൻ (9388606877) ടോം ജെ. വട്ടക്കുഴി (9605517733), തൃശൂർ - പി.വി. ബാലൻ (9446168145)
പാലക്കാട്, മലപ്പുറം - ബൈജുദേവ് (8281647474), ശ്രീജ പള്ളം (9349385768),കോഴിക്കോട് - പോൾ കല്ലാനോട് (9387299180), കെ.സി മഹേഷ് (8547151531), വയനാട് - സരസ്വതി (9497645363),കണ്ണൂർ - എബി എൻ. ജോസഫ് (9447065898) കാസർകോട് - രവീന്ദ്രൻ തൃക്കരിപ്പൂർ (9447015691)..