തൃശൂർ: സാമൂഹിക സുരക്ഷാ പെൻഷൻ രണ്ടാംഘട്ടത്തിൽ 126.83 കോടി രൂപ വിതരണം ചെയ്തു. ഇതോടെ രണ്ടാംഘട്ട വിതരണം 87.12% പൂർത്തിയായി. 2,04,274 ഗുണഭോക്താക്കൾക്കാണ് ഇതുവരെ രണ്ടാംഘട്ട പെൻഷൻ ലഭിച്ചത്. തൃശൂർ താലൂക്കിൽ 38,338 പേർക്കും, ചാവക്കാട് 22,901, മുകുന്ദപുരം 31,101, ചാലക്കുടി 31,350, തലപ്പിള്ളി 35,325, കൊടുങ്ങല്ലൂർ 25,191, കുന്നംകുളം 20,068 എന്നിങ്ങനെയാണ് പെൻഷൻ ലഭിച്ചവർ. ആദ്യ ഘട്ടത്തിൽ 2019 ഒക്ടോബർ, നവംബർ മാസങ്ങളിലെ പെൻഷനാണ് വിതരണം ചെയ്തത്. രണ്ടാം ഘട്ടത്തിൽ 2019 ഡിസംബർ, 2020 ജനുവരി, ഫെബ്രുവരി, മാർച്ച് മാസങ്ങളിലെയും ഏപ്രിൽ മാസത്തിലെ പെൻഷൻ അഡ്വാൻസായുമാണ് നൽകുന്നത്.

ആകെ 145.58 കോടി

കർഷക തൊഴിലാളി പെൻഷൻ 16.6 കോടി

വാർദ്ധക്യകാല പെൻഷൻ 70.63 കോടി

വികലാംഗ പെൻഷൻ 11.51 കോടി

അവിവാഹിതരായ സ്ത്രീകൾക്കുള്ള പെൻഷൻ 4.92കോടി

വിധവാ പെൻഷൻ 41. 86 കോടി