മുടപുരം: പോത്തൻകോട് ബ്ലോക്ക് പഞ്ചായത്തിന്റെ കീഴിൽ ആരംഭിച്ച കമ്മ്യൂണിറ്റി കിച്ചണുകൾക്കായി ബ്ലോക്ക് പഞ്ചായത്ത് രണ്ടരലക്ഷം രൂപ നൽകി. ഓരോ ഗ്രാമപഞ്ചായത്തിനും അമ്പതിനായിരം രൂപയുടെ ചെക്ക് നേരിട്ടെത്തി കൈമാറുകയായിരുന്നു. ബ്ലോക്ക്തല വിതരണോദ്ഘാടനം മംഗലപുരം ഗ്രാമ പഞ്ചായത്ത് പ്രസിഡന്റ് വേങ്ങോട് മധുവിനു ബ്ലോക്ക് പ്രസിഡന്റ് അഡ്വ. ഷാനിബ ബീഗം ചെക്ക് നൽകി നിർവഹിച്ചു. ബ്ലോക്ക് വൈസ് പ്രസിഡന്റ് അഡ്വ. എം. യാസിർ,ബ്ലോക്ക് മെമ്പർ കുന്നുംപുറം വാഹിദ്, ഗ്രാമപഞ്ചായത്ത് വൈസ് പ്രസിഡന്റ് സുമ ഇടവിളാകം, വികസനകാര്യ ചെയർമാൻ മംഗലപുരം ഷാഫി, ആരോഗ്യകാര്യ ചെയർമാൻ വേണുഗോപാലൻ നായർ, ക്ഷേമകാര്യ ചെയർപേഴ്‌സൺ എസ്. ജയ, മെമ്പർമാരായ കെ.എസ്. അജിത് കുമാർ, എസ്. സുധീഷ് ലാൽ, വി. അജികുമാർ, എം.എസ്. ഉദയകുമാരി, സിന്ധു. സി.പി, ബ്ലോക്ക് സെക്രട്ടറി ബി. ഷൈനി, ഗ്രാമപഞ്ചായത്ത് സെക്രട്ടറി ജി.എൻ. ഹരികുമാർ തുടങ്ങിയവർ സംബന്ധിച്ചു