തിരുവനന്തപുരം: സംസ്ഥാനത്ത് ഇന്നലെ 24 പേർക്ക് കൂടി കൊവിഡ്-19 സ്ഥിരീകരിച്ചതായി മുഖ്യമന്ത്രി വാർത്താസമ്മേളനത്തിൽ പറഞ്ഞു. കാസർകോട് 12,​ ​ എറണാകുളം 3,​ തിരുവനന്തപുരം,​ തൃശൂർ,​ മലപ്പുറം,​ കണ്ണൂർ എന്നിവിടങ്ങളിൽ 2 വീതം,​ പാലക്കാട് ഒന്ന്. 267 പേർക്ക് രോഗം സ്ഥിരീകരിച്ചു.

ഇന്നലെ രോഗം സ്ഥിരീകരിച്ചവരിൽ ഒമ്പത് പേർ വിദേശത്ത് നിന്ന് വന്നവർ. മറ്റുള്ളവർക്ക് സമ്പ‌ർക്കത്തിലൂടെ. തിരുവനന്തപുരത്ത് രോഗം സ്ഥിരീകരിച്ച പോത്തൻകോട്,​ മണക്കാട് സ്വദേശികൾ വിദേശത്ത് നിന്ന് വന്നവർ.

 സംസ്ഥാനത്ത് ചികിത്സയിലുള്ളവർ 237.

 രോഗം ബാധിച്ച 191 പേർ വിദേശത്ത് നിന്ന് വന്ന മലയാളികൾ. ഏഴ് പേർ വിദേശികളും.

 സമ്പർക്കം മൂലം വൈറസ് ബാധിച്ചത് 67 പേർക്ക്. നാല് വിദേശികളടക്കം 26 പേരുടെ ഫലം നെഗറ്റീവ്

 . കാസർകോട് മെഡിക്കൽ കോളേജ് നാല് ദിവസത്തിനകം കൊവിഡ് ആശുപത്രി.

. ആർ.സി.സിയിൽ സാധാരണ പരിശോധന കൃത്യമായി നടത്തും.

. കുട്ടികളുടെ വാക്‌സിനേഷന്റെ തുടർച്ച മുടങ്ങാതെ ശ്രദ്ധിക്കും.

 . അത്യാവശ്യ രോഗികൾക്ക് പൊലീസും ഫയർഫോഴ്സും മരുന്നെത്തിക്കും

 സംസ്ഥാനത്ത് നിരീക്ഷണത്തിലുള്ളവർ - 1,​64,​130

 വീടുകളിൽ - 1,​63,​508

 ആശുപത്രികളിൽ - 622

 ഇന്നലെ ആശുപത്രിയിൽ - 123