ബാലരാമപുരം: കോൺഗ്രസിന്റെ നേതൃത്വത്തിൽ ബാലരാമപുരം പഞ്ചായത്തിൽ കമ്മ്യൂണിറ്റി കിച്ചന്റെ സേവനമെത്താത്ത പ്രദേശങ്ങളിലെ നൂറോളം പേർക്ക് ഭക്ഷണമെത്തിച്ചു. അന്നം പുണ്യം പദ്ധതിയിലാണ് ഭക്ഷണ വിതരണമെന്ന് ഡി.സി.സി ജനറൽ സെക്രട്ടറി എം.വിൻസെന്റ് ഡി പോൾ പറഞ്ഞു. തേമ്പാമുട്ടം,​ എരുത്താവൂർ,​ റസ്സൽപ്പുരം ഭാഗങ്ങളിൽ കെ.തങ്കരാജൻ,​ മുൻ പഞ്ചായത്ത് പ്രസിഡന്റ് എം.രവീന്ദ്രൻ,​ നതീഷ് എന്നിവരും,​ പുന്നയ്ക്കാട്ടിൽ ബൈജുവും കോട്ടുകാൽക്കോണത്ത് അനിയും ആർ.സി തെരുവിൽ കെ.രാജുവും അകരത്തിൻവിളയിൽ അമ്പിളിയും സതീഷും പദ്ധതിക്ക് നേത്യത്വം നൽകുന്നു. സമൂഹ അടുക്കളകളിലെ ആൾക്കൂട്ടം ഒഴിവാക്കാൻ പഞ്ചായത്ത് സെക്രട്ടറിയും പൊലീസും നടപടി സ്വീകരിക്കണമെന്നും വിൻസെന്റ് ഡി പോൾ ആവശ്യപ്പെട്ടു.