തിരുവനന്തപുരം: ലോക്ക് ഡൗണിനെ തുടർന്ന് സംസ്ഥാനത്ത് കുടുങ്ങിപ്പോയ 53 ഒമാൻ പൗരന്മാരുമായി നെടുമ്പാശേരിയിൽ നിന്നും വിമാനം പുറപ്പെട്ടു. ബംഗളൂരു, ചെന്നൈ എന്നിവിടങ്ങളിൽ ചകിത്സയ്ക്കായി എത്തി കുടുങ്ങിയ ഒമാൻ സ്വദേശികളെയാണ് ഒമാൻ എയറിൽ മസ്‌കറ്റിലേക്ക് കൊണ്ടുപോയത്.

ഇവരെ ഓരോ കാറുകളിലായി നെടുമ്പാശേരി വിമാനത്താവളത്തിൽ എത്തിച്ചു. കർശനമായ ആരോഗ്യ പരിശോധനക്ക് ശേഷമായിരുന്നു ഇവരെ വിമാനത്തിൽ കയറ്റിയത്.

ആയുർവേദ ചികിത്സ അടക്കം വിവിധ ചികിത്സയ്ക്കായി മാർച്ച് ആദ്യ ആഴ്ചയിൽ കൊച്ചിയിലെത്തിയവരുമുണ്ട്. നീരീക്ഷണ കാലാവധി കഴിഞ്ഞശേഷം ഒമാൻ എംബസി ഇടപെട്ടാണ് ഇവരെ കൊണ്ടുപോയത്. ഇന്ത്യയിൽ കുടുങ്ങിയ ഫ്രഞ്ച് പൗരന്മാരെ നാട്ടിൽ കൊണ്ടുവരാനായി എയർ ഇന്ത്യയുടെ വിമാനം നാളെ കൊച്ചിയിൽ നിന്നും പുറപ്പെടും.