തിരുവനന്തപുരം: കേരളത്തിൽ അടുത്തദിവസങ്ങളിൽ നേരിയ മഴയ്ക്ക് സാദ്ധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ഉയർന്ന താപനിലയിലും ചെറിയ വ്യത്യാസം പ്രതീക്ഷിക്കാം. ഏപ്രിൽ ഒമ്പതിനകം കേരളത്തിലും ലക്ഷദ്വീപിലും വളരെ കുറഞ്ഞ അളവിൽ മഴ പെയ്യും. ഏപ്രിൽ 16വരെയുള്ള ദിവസങ്ങളിൽ വടക്കൻ കേരളത്തിൽ രാത്രി താപനിലയിൽ കാര്യമായ വ്യത്യാസം ഉണ്ടാവില്ല. തെക്കൻ കേരളത്തിൽ സാധാരണയെക്കാൾ 1 മുതൽ 2 ഡിഗ്രി സെൽഷ്യസ് വരെ താപനില കുറഞ്ഞേക്കും. എന്നാൽതെക്കൻ കേരളത്തിൽ പകൽ ചൂട് കുറയില്ല.ഏപ്രിൽ 6 ന് കേരളത്തിൽ എല്ലാ ജില്ലകളിലും നേരിയ മഴയ്ക്ക് സാദ്ധ്യതയുണ്ട്. ഏപ്രിൽ ഏഴ്, എട്ട് തീയതികളിൽ കാസർകോട്, കണ്ണൂർ ജില്ലകളിൽ ഒഴികെ നേരിയ മഴ പെയ്യും.മാർച്ച് 26 മുതൽ ഏപ്രിൽ ഒന്ന് വരെ കേരളത്തിൽ പെയ്യേണ്ട വേനൽ മഴയിൽ 51 ശതമാനം കുറവുണ്ടായി.