തിരുവനന്തപുരം : സംസ്ഥാനത്ത് ഇന്നലെ 11 പേർക്ക് കൂടി കൊവിഡ് 19 സ്ഥിരീകരിച്ചു. കാസർകോട്ട് ആറു പേർക്കും കൊല്ലം, ആലപ്പുഴ, എറണാകുളം, പാലക്കാട്, കണ്ണൂർ എന്നിവിടങ്ങളിൽ ഓരോരുത്തർക്കുമാണ് രോഗം ബാധിച്ചതെന്ന് മന്ത്രി കെ.കെ.ശൈലജ അറിയിച്ചു. ഇവരിൽ അഞ്ചു പേർ ദുബായിൽ നിന്നും (കാസർകോട്- 3, കണ്ണൂർ , എറണാകുളം) മൂന്നുപേർ പേർ നിസാമുദ്ദീനിൽ നിന്നും (ആലപ്പുഴ, കൊല്ലം, കാസർകോട് ) ഒരാൾ നാഗ്പൂരിൽ നിന്നും (പാലക്കാട്) വന്നവരാണ്. രണ്ട് പേർക്ക് സമ്പർക്കത്തിലൂടെയാണ് (കാസർകോട്- 2) രോഗം ബാധിച്ചത്. നിലവിൽ 254 പേർ ആശുപത്രികളിൽ ചികിത്സയിലാണ്.

ഇന്നലെ എട്ട് പേരുടെ പരിശോധനാഫലം നെഗറ്റീവായി. കണ്ണൂരിലെ ഏഴു പേരുടെയും തിരുവനന്തപുരത്തെ ഒരാളുടെയും ഫലമാണ് നെഗറ്റീവായത്. ഇവരെ ഡിസ്ചാർജ് ചെയ്തിട്ടില്ല. സംസ്ഥാനത്ത് ആകെ 306 പേർക്കാണ് രോഗബാധ സ്ഥിരീകരിച്ചത്. 50 പേർ രോഗമുക്തി നേടി ഡിസ്ചാർജായി. രണ്ട് പേർ മുമ്പ് മരണമടഞ്ഞു.

@നിരീക്ഷണത്തിൽ 1,71,355 പേർ

@വീടുകളിൽ 1,70,621 പേർ

@ആശുപത്രികളിൽ 734 പേർ

@ഇന്ന് ആശുപത്രികളിൽ 174 പേർ

@പരിശോധിക്കാൻ അയച്ച സാമ്പിളുകൾ 9744

@ലഭ്യമായ 8586 ഫലം നെഗറ്റീവ്