തിരുവനന്തപുരം: തിരുവനന്തപുരം മെഡിക്കൽ കോളേജ് ആശുപത്രിയിൽ നിന്നുള്ള പ്രത്യേക മെഡിക്കൽ സംഘം കൊവിഡ് പിടിമുറുക്കിയ കാസർകോട്ടേക്ക് പുറപ്പെട്ടു. ആരോഗ്യ മന്ത്രി കെ കെ ശൈലജയാണ് യാത്ര ഫ്ലാഗ് ഓഫ് ചെയ്തത്. കാസർകോട്ട് കൂടുതൽ കേസുകൾ റിപ്പോ‍ർട്ട് ചെയ്യുന്നതും, ചികിത്സ നിഷേധിച്ച് കർണാടകം അതിർത്തി അടച്ചതും കണക്കിലെടുത്താണ് മെഡിക്കൽ സംഘം അങ്ങോട്ടേക്ക് യാത്ര തിരിച്ചത്.

തിരുവനന്തപുരം മെഡിക്കൽ കോളേജ് ഡെപ്യൂട്ടി സൂപ്രണ്ട് എസ് സന്തോഷ് കുമാറിന്‍റെ നേതൃത്വത്തിൽ 10 ഡോക്ടർമാരും 10 നഴ്സുമാരും 5 നഴ്സിങ് അസിസ്‍റ്റന്‍റുമാരുമാണ് സംഘത്തിലുള്ളത്. താത്ക്കാലിക ആശുപത്രി സജ്ജമാക്കി ഇവർ പ്രവർത്തനം തുടങ്ങും.