തിരുവനന്തപുരം: സംസ്ഥാനത്തെ നാലു ജില്ലകളില് യെല്ലോ അലര്ട്ട് പ്രഖ്യാപിച്ചു. പാലക്കാട്,മലപ്പുറം,കോഴിക്കോട്,വയനാട് ജില്ലകളിലാണ് യെല്ലോ അലർട്ട്. തിങ്കളാഴ്ച ഒറ്റപ്പെട്ട കനത്തമഴയ്ക്ക് സാധ്യതയുണ്ടെന്നാണ് മുന്നറിയിപ്പ്. കേരള, ലക്ഷദ്വീപ് തീരങ്ങളില് കാലാവസ്ഥ പ്രക്ഷുബ്ധമാകാന് സാധ്യതയുള്ളതിനാല് സംസ്ഥാന ദുരന്ത നിവാരണ അതോറിട്ടി മത്സ്യത്തൊഴിലാളികള്ക്ക് ജാഗ്രതാനിര്ദേശവും നല്കി.