മസ്ക്കറ്റ്: ഒമാനിൽ ഇന്ന് 33 പേർക്ക് കൂടി കൊറോണ സ്ഥിരീകരിച്ചതായി ഒമാൻ ആരോഗ്യ മന്ത്രാലയം അറിയിച്ചു. ഇതോടെ രാജ്യത്ത് കൊവിഡ് സ്ഥിരീകരിച്ചവരുടെ എണ്ണം 331 ആയെന്നു ഒമാൻ ആരോഗ്യ മന്ത്രാലയം പുറത്തിറക്കിയ വാർത്താകുറിപ്പിൽ പറയുന്നു.

ഇതുവരെ 61 പേർ രാജ്യത്തെ രോഗമുക്തരായി. രണ്ട് പേരാണ് കൊവിഡ് ബാധിച്ച് ഒമാനിൽ മരിച്ചത്. സുപ്രീം കമ്മിറ്റിയുടെയും ആരോഗ്യ മന്ത്രാലയത്തിന്റെയും നിർദേശങ്ങൾ പ്രകാരം എല്ലാവരും സാമൂഹിക അകലം പാലിക്കണമെന്നും അത്യാവശ്യങ്ങൾക്കല്ലാതെ വീടുകളിൽ നിന്ന് പുറത്തിറങ്ങരുതെന്നും അധികൃതർ അറിയിച്ചു