തിരുവനന്തപുരം: മലയാളി ശാസ്ത്രജ്ഞൻ ചന്ദ്രശേഖർ നായർ ഒരുക്കിയ കൊവിഡ്-19 ടെസ്റ്റിന് (ട്രൂനെറ്റ് ബീറ്റ ടെസ്റ്റ്) ഇന്ത്യൻ കൗൺസിൽ ഫോർ മെഡിക്കൽ റിസർച്ചിന്റെ പ്രീ ടെസ്റ്റിംഗ് അംഗീകാരം ലഭിച്ചു. ഒരു ടെസ്റ്റിന് ചെലവ് 1350 രൂപയാണ്. 40 മിനിട്ടിൽ ഫലം കിട്ടും.

ആർ.ടി - പി.സി.ആർ സമ്പ്രദായ പ്രകാരമാണ് ടെസ്റ്റ്. ആദ്യ ടെസ്റ്റ് നെഗറ്റീവായാൽ പിന്നെ പരിശോധന വേണ്ട. വൈറസിന്റെ ആർ.എൻ.എയോ ഡി.എൻ.എയോ എടുത്താണ് പരിശോധന. അതിനാൽ ആന്റിബോഡി ടെസ്റ്റ് ഫലത്തിനെന്ന പോലെ കാത്തിരിക്കേണ്ട.

മോൾബയോ ഡയഗ്‌നോസ്റ്റിക്സ് എന്ന സ്ഥാപനമാണ് ട്രൂ ലാബ് വർക്ക് സ്റ്റേഷൻ ഒരുക്കുന്നത്. ചെലവ് 6 ലക്ഷം രൂപ മുതൽ 12 ലക്ഷം വരെ.

കൊവിഡിനു പുറമെ ചിക്കുൻ ഗുനിയ, നിപ,​ ടി.ബി, എലിപ്പനി, ഡെങ്കി, ഹെപ്പറ്റൈറ്റിസ് തുടങ്ങിയ രോഗങ്ങൾക്കുള്ള ടെസ്റ്റും ഇതിൽ നടത്താം. ഇന്ത്യയിൽ 115 സർക്കാർ - സ്വകാര്യ ആശുപത്രികളിൽ മേൽപ്പറഞ്ഞ രോഗങ്ങളുടെ ടെസ്റ്റിന് ഉപയോഗിക്കുന്നുണ്ട്. ലോകാരോഗ്യ സംഘടന മോൾബയോയുടെ ടി.ബി ടെസ്റ്റിനെ അംഗീകരിച്ചിട്ടുണ്ട്.

പ്രത്യേകതകൾ
 കൈയിൽ കൊണ്ടു നടക്കാം

 സൂക്ഷിക്കാൻ എ.സി, ഫ്രീസർ വേണ്ട

 ലാബ് ടെക്നിഷ്യന് പ്രവർത്തിപ്പിക്കാം

പ്രവർത്തന രീതി

 രോഗിയിൽ നിന്ന് സ്രവം വി.എൽ.എമ്മിലേക്ക് എടുക്കുന്നു

ആർ.എൻ.എ എടുത്ത ശേഷം വൈറസിനെ നിർവീര്യമാക്കും

 ടെസ്റ്റിന് ലൈവ് സെൽ വേണ്ട

ചന്ദ്രശേഖർ നായർ

മുംബയിൽ വളർന്ന ഒറ്രപ്പാലം കൊണ്ടാഴി സ്വദേശി. പിലാനിയിൽ നിന്ന് കെമിക്കൽ എൻജിനിയറിംഗിൽ മാസ്റ്രർ ബിരുദവും വെല്ളൂർ വി.ഐ.ടിയിൽ നിന്ന് പി.എച്ച്.ഡിയും നേടി. മാതാപിതാക്കൾ ഒറ്രപ്പാലത്താണ്.